Ohorongo Cement skenk mediese toerusting

Ohorongo Cement het mediese toerusting ter waarde van meer as N$26 miljoen aan die ministerie van gesondheid en maatskaplike dienste oorhandig. Die skenking sluit onder meer 899 300 mediese maskers en 2 000 chirurgiese jasse in. Die minister, dr. Kalumbi Shangula, het tydens die amptelike ontvangs van die skenking gemaan hoewel positiewe Covid-19-gevalle besig is om af te neem, moet die land nou meer as ooit sy mag teen die virus versterk deur ingeënt te word in afwagting van 'n moontlike vierde golf.