Okanti se helpende hand

Die Okanti-stigting help ontvangers van orgaanoorplantings sowel as chroniese siek kinders in Namibië.Die organisasie is in 2007 aanvanklik as die Daniela Medical Trust gestig en het sedertdien jongmense vóór en ná 'n orgaanoorplanting en ook kinders met skaars, chroniese siektes gehelp. Die trust is aanvanklik deur Michaela Tietz gestig om die mediese onkoste van hul dogter te dek wat in daardie stadium 'n leweroorplanting moes ondergaan. Ná Daniela se suksesvolle oorplanting in 2008 in Duitsland, is besluit om met die fonds voort te gaan en ook ander in dieselfde situasie te help.Buiten die ondersteuning vir Namibiërs wat orgaanoorplantings moet ondergaan of reeds ondergaan het, help die stigting ook met die mediese en geldelike behoeftes van families met kinders wat aan 'n chroniese siekte ly.Die ondersteuning sluit in geldelike hulp om mediese onkoste van orgaanoorplantings te dek, hulp met aansoeke en onderhandelinge met mediese fondse, dokters en aptekers vir die verskaffing van medisyne teen kosprys, en die aanbied van morele ondersteuning en raad.Die trust beplan om in die toekoms spesiale geleenthede vir orgaanontvangers en chroniese siek kinders en hul families te reël waartydens die fokus op onder meer groepsberading sal wees. Die trust wil ook sy droom van 'n rehabilitasiesentrum en hospies verwesenlik.In Desember 2015 het Okanti met die “Friends of the Okanti Foundation”- geldinsamelingsveldtog begin. Elke maand staan deelnemers ? kans om een van drie vriende van die maand van Okanti te word. Op 25 Februarie sal die volgende drie vriende van die stigting gekies word. Okanti is baie dankbaar vir die publiek se deernis teenoor kinders met skaars en chroniese siektes.Vir verdere inligting volg Okanti op Facebook of kontak Michaela Tietz by 081 127 8544 of okantikidz@okanti.com.na.

Okanti se helpende hand

Kommentaar

Republikein 2025-04-03

Meld asseblief aan om kommentaar te lewer

Okanti se helpende hand

Kommentaar

Republikein 2025-04-03

Meld asseblief aan om kommentaar te lewer

MELD AAN

Advertensie