Olifantverkope: Namibië moet aan Cites-vereistes voldoen
Omgewing
Ellanie Smit – Namibië het bevestig dat sy plan om lewende Afrika-olifante te verkoop, ingevolge artikel III van die sekretariaat van die konvensie oor die handel in bedreigde spesies (Cites) sal geskied en ten volle aan die vereistes voldoen.
Volgens Cites het lede van die publiek en nie-regeringsorganisasies die afgelope weke kommer uitgespreek dat Namibië van plan is om lewende Afrika-olifante na bestemmings buite hul natuurlike omgewing uit te voer.
Dít volg op die onlangse aankondiging deur die ministerie van die omgewing, bosbou en toerisme dat 57 olifante gevang sal word om aan onbekende bieërs te verkoop, en 42 van dié olifante sal uitgevoer word.
Die nie-regeringsorganisasie Foundation Franz Weber (FFW) het gesê volgens onlangse veldondersoeke wat hulle uitgevoer het, sal die vang en uitvoer van Namibiese olifante die voortbestaan van die diere in gevaar stel.
Die FFW het gesê die regering se plan is 'n oortreding van Namibië se internasionale verpligtinge.
Gevolglik het die stigting die Cites-sekretariaat en die ministerie versoek om 'n stokkie voor die verkope te steek.
HERRIE
Die nuus oor die veiling van 170 olifante het in Desember 2020 bekend geword en 'n herrie veroorsaak. Ondanks die teëstand het die ministerie in Januarie 'n veiling gehou en 57 olifante vir N$5,9 miljoen verkoop.
Cites het verduidelik die maatreëls rakende die Afrika-olifantbevolking van Namibië is van Byvoegsel I na Byvoegsel II oorgedra tydens die tiende vergadering van die Konferensie van Partye van Cites wat in 1997 in Harare gehou is.
Lewende Namibiese Afrika-olifante mag ingevolge artikel IV verruil word vir “in situ-bewaringsprogramme”, het Cites verduidelik.
Die sekretariaat het bygevoeg in gevalle waar hierdie spesiale “Byvoegsel II-voorwaardelikheid” nie nagekom word nie (indien lewende Namibiese Afrika-olifante nie verruil word vir “in situ-bewaringsprogramme” nie), word hulle “as voorbeelde van spesies in Byvoegsel I beskou en sal die handel daarin dienooreenkomstig gereguleer word”.
REGULASIES
Dié maatreëls beteken Namibië moet ingevolge artikel III van die konvensie in sulke lewende diere verhandel. Daarvolgens vereis die uitvoer van enige dier van 'n spesie wat in Byvoegsel I ingesluit is, vooraf toestemming en 'n uitvoerpermit.
Daarbenewens vereis die invoer van 'n dier van 'n spesie wat in Byvoegsel I ingesluit is, vooraf toestemming en 'n invoerpermit en 'n uitvoerpermit, óf 'n heruitvoersertifikaat moet getoon word.
“Namibië het die sekretariaat verseker die bepalings in artikel III sal ten volle nagekom word en niks sal buite die Cites-vereistes verhandel word nie.”
– [email protected]
Volgens Cites het lede van die publiek en nie-regeringsorganisasies die afgelope weke kommer uitgespreek dat Namibië van plan is om lewende Afrika-olifante na bestemmings buite hul natuurlike omgewing uit te voer.
Dít volg op die onlangse aankondiging deur die ministerie van die omgewing, bosbou en toerisme dat 57 olifante gevang sal word om aan onbekende bieërs te verkoop, en 42 van dié olifante sal uitgevoer word.
Die nie-regeringsorganisasie Foundation Franz Weber (FFW) het gesê volgens onlangse veldondersoeke wat hulle uitgevoer het, sal die vang en uitvoer van Namibiese olifante die voortbestaan van die diere in gevaar stel.
Die FFW het gesê die regering se plan is 'n oortreding van Namibië se internasionale verpligtinge.
Gevolglik het die stigting die Cites-sekretariaat en die ministerie versoek om 'n stokkie voor die verkope te steek.
HERRIE
Die nuus oor die veiling van 170 olifante het in Desember 2020 bekend geword en 'n herrie veroorsaak. Ondanks die teëstand het die ministerie in Januarie 'n veiling gehou en 57 olifante vir N$5,9 miljoen verkoop.
Cites het verduidelik die maatreëls rakende die Afrika-olifantbevolking van Namibië is van Byvoegsel I na Byvoegsel II oorgedra tydens die tiende vergadering van die Konferensie van Partye van Cites wat in 1997 in Harare gehou is.
Lewende Namibiese Afrika-olifante mag ingevolge artikel IV verruil word vir “in situ-bewaringsprogramme”, het Cites verduidelik.
Die sekretariaat het bygevoeg in gevalle waar hierdie spesiale “Byvoegsel II-voorwaardelikheid” nie nagekom word nie (indien lewende Namibiese Afrika-olifante nie verruil word vir “in situ-bewaringsprogramme” nie), word hulle “as voorbeelde van spesies in Byvoegsel I beskou en sal die handel daarin dienooreenkomstig gereguleer word”.
REGULASIES
Dié maatreëls beteken Namibië moet ingevolge artikel III van die konvensie in sulke lewende diere verhandel. Daarvolgens vereis die uitvoer van enige dier van 'n spesie wat in Byvoegsel I ingesluit is, vooraf toestemming en 'n uitvoerpermit.
Daarbenewens vereis die invoer van 'n dier van 'n spesie wat in Byvoegsel I ingesluit is, vooraf toestemming en 'n invoerpermit en 'n uitvoerpermit, óf 'n heruitvoersertifikaat moet getoon word.
“Namibië het die sekretariaat verseker die bepalings in artikel III sal ten volle nagekom word en niks sal buite die Cites-vereistes verhandel word nie.”
– [email protected]
Kommentaar
Republikein
Geen kommentaar is op hierdie artikel gelaat nie