Omaruru roep jou naam
Feesgangers kan solank hul vere vir ‘n onvergeetlike Omaruru Kunstefees regskud.
Liefhebbers van musiek, teater, kuns en kos kan hul voorberei vir ‘n groot en topgehalte verskeidenheid by vanjaar se Omaruru Kunstefees.
Namibië se “enig in sy soort”- fees vind vanaf 29 tot 31 Augustus plaas.
Volgens die organiseerders word dit vanjaar op ‘n nuwe terrein gehou.
Die groot verhoog is in die rivierloop net agter die Wronsky Haus, met talle kuns- en kosstalletjies wat tydens die fees die oë, ore en maag sal bevredig.
Die fees het 13 jaar gelede as die Omarure Kunsroete begin waartydens net op visuele kuns gefokus is. Dit het so gewild geraak en uitgebrei dat dit die afgelope vier jaar ‘n volwaardige kunstefees is.
Jaarliks kom honderde kunstenaars, ‘n-jaar-laas-mekaar-gesien vriende en besoekers op die dorp byeen vir ‘n naweek vol kuns, vermaak en ‘n fantastiese atmosfeer.
Die geleentheid bied ‘n wonderlike platform vir kunstenaars van oor die hele Namibië heen waar hulle hul kunswerke gratis kan uitstal en verkoop, asook met ander kunstenaars netwerk. Kunsuitstallings word by lokale op die dorp gehou.
Die organiseerders het gesorg vir ‘n program propvol opwindende aktiwiteite en uitsonderlike vertonings.
Die naweek skop af met ‘n langtafelete en die amptelike opening, en Gert Meyer sorg vir die musiek.
‘n Eerste vir die fees is die deelname van die skrywersklub Die Namib Skryf - DNS. Hul werke gaan voorgelees en voorgedra word met musiek onder leiding van Sanet Lambrechts en Wouter de Bruin.
Die gewilde Suid-Afrikaanse aktrise Marion Holm gaan feesgangers vermaak met haar eenvrouvertoning, Operasie Holm.
In nog ‘n uitmuntende stuk, “The Best music of the World”, gaan die internasionale chanson-sangeres Esther Fellner en die mondfluitjievirtuoos René Giessen konsertgangers met unieke musiek bekoor.
Uit eie bodem gaan Namibië se geliefde sjef Sanet Prinsloo en tuinboughoeroe Johan Wentzel hul kennis grappenderwys met die gaste deel in hul middagvertoning, Tuinbou en Twak. Kom wys jou slag in die Ready, steady, cook-kompetisie. Die vertoning sluit ‘n piekniekete in.
Die hoogtepunt van die naweek is sonder twyfel die twee buitelugkonserte, oftewel Under the Stars-konserte, in die Omarururivierloop.
Vrydagaand is dit Classics under the Stars, met Jannie Moolman begelei deur die eg Namibiese simfonieorkes, die Con Spirito Ensemble.
Saterdagaand is dit tyd vir Rock & Roll Under the Stars waar kitaarmeesters Nathan Smith en Josh Ansley hulde bring aan legendes soos Eric Clapton, Jimmy Hendrix, John Mayer, Dire Straits en Gary Moore. Voorwaar ‘n aand vol nostalgie.
Skakel 081 236 2951 vir meer inligting, besoek die Facebook-blad of stuur ‘n e-pos na [email protected]
Kaartjies vir al die vertonings is by Computicket beskikbaar. Hartklop FM-luisteraars kan op Vrydagaande deelneem aan die program Goue Oues en ‘n kans staan om konsertkaartjies te wen.
Namibië se “enig in sy soort”- fees vind vanaf 29 tot 31 Augustus plaas.
Volgens die organiseerders word dit vanjaar op ‘n nuwe terrein gehou.
Die groot verhoog is in die rivierloop net agter die Wronsky Haus, met talle kuns- en kosstalletjies wat tydens die fees die oë, ore en maag sal bevredig.
Die fees het 13 jaar gelede as die Omarure Kunsroete begin waartydens net op visuele kuns gefokus is. Dit het so gewild geraak en uitgebrei dat dit die afgelope vier jaar ‘n volwaardige kunstefees is.
Jaarliks kom honderde kunstenaars, ‘n-jaar-laas-mekaar-gesien vriende en besoekers op die dorp byeen vir ‘n naweek vol kuns, vermaak en ‘n fantastiese atmosfeer.
Die geleentheid bied ‘n wonderlike platform vir kunstenaars van oor die hele Namibië heen waar hulle hul kunswerke gratis kan uitstal en verkoop, asook met ander kunstenaars netwerk. Kunsuitstallings word by lokale op die dorp gehou.
Die organiseerders het gesorg vir ‘n program propvol opwindende aktiwiteite en uitsonderlike vertonings.
Die naweek skop af met ‘n langtafelete en die amptelike opening, en Gert Meyer sorg vir die musiek.
‘n Eerste vir die fees is die deelname van die skrywersklub Die Namib Skryf - DNS. Hul werke gaan voorgelees en voorgedra word met musiek onder leiding van Sanet Lambrechts en Wouter de Bruin.
Die gewilde Suid-Afrikaanse aktrise Marion Holm gaan feesgangers vermaak met haar eenvrouvertoning, Operasie Holm.
In nog ‘n uitmuntende stuk, “The Best music of the World”, gaan die internasionale chanson-sangeres Esther Fellner en die mondfluitjievirtuoos René Giessen konsertgangers met unieke musiek bekoor.
Uit eie bodem gaan Namibië se geliefde sjef Sanet Prinsloo en tuinboughoeroe Johan Wentzel hul kennis grappenderwys met die gaste deel in hul middagvertoning, Tuinbou en Twak. Kom wys jou slag in die Ready, steady, cook-kompetisie. Die vertoning sluit ‘n piekniekete in.
Die hoogtepunt van die naweek is sonder twyfel die twee buitelugkonserte, oftewel Under the Stars-konserte, in die Omarururivierloop.
Vrydagaand is dit Classics under the Stars, met Jannie Moolman begelei deur die eg Namibiese simfonieorkes, die Con Spirito Ensemble.
Saterdagaand is dit tyd vir Rock & Roll Under the Stars waar kitaarmeesters Nathan Smith en Josh Ansley hulde bring aan legendes soos Eric Clapton, Jimmy Hendrix, John Mayer, Dire Straits en Gary Moore. Voorwaar ‘n aand vol nostalgie.
Skakel 081 236 2951 vir meer inligting, besoek die Facebook-blad of stuur ‘n e-pos na [email protected]
Kaartjies vir al die vertonings is by Computicket beskikbaar. Hartklop FM-luisteraars kan op Vrydagaande deelneem aan die program Goue Oues en ‘n kans staan om konsertkaartjies te wen.
Kommentaar
Republikein
Geen kommentaar is op hierdie artikel gelaat nie