Omusati-polisie wil verkragters vastrek

Tuyeimo Haidula op OshakatiIn minder as drie maande is 19 kinderverkragtings in die Omusatistreek aangemeld en die polisie in die streek sê hulle sal alles in die stryd werp om verkragters agter tralies te sit.Die misdaadkoördineerder van die streek, adj.komm. Moses Simaho, het gesê ’n vyfdag-slypskool het Maandag in die streek afgeskop om polisiebeamptes en aanklaers te help om verkragtingsake te versterk en te verhoed dat oortreders skotvry daarvan afkom.Simaho het gesê hulle is “bekommerd” omdat die geweld teen vroue en kinders in Namibië onverpoosd voortduur. Volgens hom kan die polisie en howe 'n sterk boodskap aan oortreders stuur dat sulke misdade nie geduld sal word nie.Volgens hom is agt verkragtings van minderjariges in Oktober in die streek aangeteken, ses in November en vyf tot dusver vir Desember.“Dis siek en dit moet eindig. Ons kinders is nie meer veilig in die gemeenskappe waarin hulle woon nie. In sommige gevalle is die verkragter die einste ouer wat veronderstel is om hul kind te beskerm.”Die mees onlangse geval is die verkragting van ’n 11-jarige meisie in die Okadhila-nedersetting in Ondjeke in die Tsandi-kiesafdeling.’n Man het haar in ’n leë, onvoltooide gebou gedwing en haar verkrag.Die voorval het verlede Donderdag omstreeks 20:00 plaasgevind. Die verkragter is nog nie vasgetrek nie. Die ondersoek duur voort.Hoewel die 11-jarige glo nie die man geken het nie, is sy seker sy sal hom erken as sy hom weer sien.In die Ohangwenastreek het die polisie ’n soektog na ’n Angolese man van stapel gestuur wat na bewering ’n 10-jarige meisie in die Onambiya-nedersetting in die Okongo-kiesafdeling verkrag het.Die verkragter was glo ’n huishulp by die meisie se ouers se huis en het na bewering haar kamer binnegekom terwyl sy geslaap het en haar verkrag. Volgens die Namibiese polisieverslag het die voorval verlede Vrydag omstreeks 01:00 plaasgevind.Die meisie het onmiddellik haar ouma van die voorval vertel en sy het die polisie in kennis gestel.Die verdagte het op die vlug geslaan voordat die polisie hom in hegtenis kon neem. - republikein@republikein.com.na

Omusati-polisie wil verkragters vastrek

Kommentaar

Republikein 2025-04-07

Meld asseblief aan om kommentaar te lewer

Omusati-polisie wil verkragters vastrek

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie