Oniipa huldig sy eerste junior dorpsraad in
Ileni Nandjato - Op Oniipa in die Oshikotostreek het die dorpsraad vir die eerste keer ooit 'n junior raad ingehuldig om kwessies te takel wat jongmense raak.
Oniipa is in 2010 geproklameer en is die jongste dorp in Namibië. Dit is ook een van die vier finaliste in die 2018 Namibië Dorp van die Jaar-kompetisie.
Die junior dorpsraad met sy sewe lede bestaan uit leerlinge van die enigste twee hoërskole op die dorp - die Senior Sekondêre Skool Hans Daniel Namuhuja en die Heroes private skool.
Dié jong gemeenskapsleiers beloof om 'n spreekbuis te wees vir die jeug op die dorp en om seker te maak die dorpsraad neem kennis van wat hul behoeftes is.
Soini Nambinga, 'n graad 11-leerling aan die Senior Sekondêre Skool Hans Daniel Namuhuja, is as die dorp se junior burgemeester aangewys. Die adjunkburgemeester is Simon Nambandi, 'n graad 10-leerling, ook van dié skool.
Nambinga het in haar aanvaardingstoespraak gesê haar sleuteltaak die volgende twee jaar sal wees om armoede onder die jeug op die dorp te help bekamp.
"Ons wil programme vestig wat jongmense sal aanmoedig om entrepreneurs te word en wil ook wees- en ander kwesbare kinders in die omgewing help. Dit gaan nie maklik wees nie, maar ons wil dit doen," het sy gesê.
Sy het bygevoeg die junior dorpsraad wil ook geld vind om 'n jeug- en ontspanningsentrum, asook 'n biblioteek op te rig om jongmense konstruktief besig te hou. Seminare en debatte op Saterdae is een manier waarop hulle sosiale euwels onder die jonges wil verminder.
"Ons moet ook ons jongmense aanmoedig om aan sport deel te neem en daardeur vir hulle geleenthede skep pleks van net daarop fokus om werk te vind of om op die regering staat te maak terwyl hulle oor 'n sporttalent beskik," het sy gesê.
Die dorp se burgemeester, mnr. Immanuel Kambonde, het die junior raadslede aangemoedig om hulself van hul take te vergewis en te weet wat van hulle verwag word. Hy het hulle ook daaraan herinner dat hulle nou die gemeenskap dien en 'n dienende hart moet hê.
"As jong leiers moet julle besef leierskap gaan nie oor titels nie, maar oor die bevordering van ander se belange. Leierskap is om van visie ’n werklikheid te maak," het hy gesê.
Die Dorp van die Jaar-span besoek Oniipa Maandag.
Inwoners word uitgenooi om op die uitkyk vir die span te wees en te groet.
Oniipa is in 2010 geproklameer en is die jongste dorp in Namibië. Dit is ook een van die vier finaliste in die 2018 Namibië Dorp van die Jaar-kompetisie.
Die junior dorpsraad met sy sewe lede bestaan uit leerlinge van die enigste twee hoërskole op die dorp - die Senior Sekondêre Skool Hans Daniel Namuhuja en die Heroes private skool.
Dié jong gemeenskapsleiers beloof om 'n spreekbuis te wees vir die jeug op die dorp en om seker te maak die dorpsraad neem kennis van wat hul behoeftes is.
Soini Nambinga, 'n graad 11-leerling aan die Senior Sekondêre Skool Hans Daniel Namuhuja, is as die dorp se junior burgemeester aangewys. Die adjunkburgemeester is Simon Nambandi, 'n graad 10-leerling, ook van dié skool.
Nambinga het in haar aanvaardingstoespraak gesê haar sleuteltaak die volgende twee jaar sal wees om armoede onder die jeug op die dorp te help bekamp.
"Ons wil programme vestig wat jongmense sal aanmoedig om entrepreneurs te word en wil ook wees- en ander kwesbare kinders in die omgewing help. Dit gaan nie maklik wees nie, maar ons wil dit doen," het sy gesê.
Sy het bygevoeg die junior dorpsraad wil ook geld vind om 'n jeug- en ontspanningsentrum, asook 'n biblioteek op te rig om jongmense konstruktief besig te hou. Seminare en debatte op Saterdae is een manier waarop hulle sosiale euwels onder die jonges wil verminder.
"Ons moet ook ons jongmense aanmoedig om aan sport deel te neem en daardeur vir hulle geleenthede skep pleks van net daarop fokus om werk te vind of om op die regering staat te maak terwyl hulle oor 'n sporttalent beskik," het sy gesê.
Die dorp se burgemeester, mnr. Immanuel Kambonde, het die junior raadslede aangemoedig om hulself van hul take te vergewis en te weet wat van hulle verwag word. Hy het hulle ook daaraan herinner dat hulle nou die gemeenskap dien en 'n dienende hart moet hê.
"As jong leiers moet julle besef leierskap gaan nie oor titels nie, maar oor die bevordering van ander se belange. Leierskap is om van visie ’n werklikheid te maak," het hy gesê.
Die Dorp van die Jaar-span besoek Oniipa Maandag.
Inwoners word uitgenooi om op die uitkyk vir die span te wees en te groet.
Kommentaar
Republikein
Geen kommentaar is op hierdie artikel gelaat nie