Ons sal met Swapo afreken, sê LPM
Minder as drie weke voor Namibiërs stembus toe gaan, tel politieke partye se veldtogte spoed op.
Denver Kisting
Die jongste politieke party, die Landless People's Movement (LPM), het gister gesê hulle skrik nie vir koue pampoen nie.
Die bedryfsekretaris van die LPM, mnr. Edson Isaacks, het op 'n nuuskonferensie in Windhoek gesê: “Swapo kan bring wie hulle wil – ons sal met hulle afreken.”
Dit was na aanleiding van 'n vraag oor bewerings dat die regerende party swaargewigte inspan om LPM-lede te intimideer.
Dié party stel Saterdag sy verkiesingsmanifes op Khorixas in die Kunenestreek bekend.
Isaacks sê hul manifes spreek die grondkwessie aan en hoe Namibië dié hulpbron ten bate van ekonomiese groei kan ontgin.
Ontleders het die afgelope week gewaarsku die LPM se fokus op grond is dalk te eensydig om 'n beduidende aantal stemme te lok.
Daarnaas het mnr. Graham Hopwood, uitvoerende direkteur van die Instituut vir Openbare Beleidsnavorsing (IPPR), gesê die LPM se steun sal waarskynlik hoofsaaklik uit die Suide kom.
Volgens hom gaan hulle ook om met klimaatsverandering en die impak daarvan op die ekonomie.
Isaacks kon nie sê watter stappe hulle sal doen oor die gebruik van die omstrede elektroniese stemtoestelle (EVM's) tydens die verkiesings op 27 November nie.
Hulle – soos talle ander opposisiepartye – staan egter die gebruik van dié toestelle teen.
Die stof het steeds nie gaan lê nie nadat dit onlangs aan die lig gekom het talle EVM's wat die Verkiesingskommissie van Namibië (ECN) in 2017 aan Swapo geleen het, is soek.
Leiers van die amptelike opposisie, die Popular Democratic Movement (PDM), het gisteroggend by die ECN se hoofkantoor die media ook oor hul ongelukkigheid met die ECN toegespreek.
Die PDM se sekretaris-generaal, mnr. Manuel Ngaringombe, sê hulle twyfel of die ECN gereed vir die komende verkiesings is.
Volgens hom word hulle aan dubbele standaarde en gemengde boodskappe onderwerp.
– [email protected]
Die jongste politieke party, die Landless People's Movement (LPM), het gister gesê hulle skrik nie vir koue pampoen nie.
Die bedryfsekretaris van die LPM, mnr. Edson Isaacks, het op 'n nuuskonferensie in Windhoek gesê: “Swapo kan bring wie hulle wil – ons sal met hulle afreken.”
Dit was na aanleiding van 'n vraag oor bewerings dat die regerende party swaargewigte inspan om LPM-lede te intimideer.
Dié party stel Saterdag sy verkiesingsmanifes op Khorixas in die Kunenestreek bekend.
Isaacks sê hul manifes spreek die grondkwessie aan en hoe Namibië dié hulpbron ten bate van ekonomiese groei kan ontgin.
Ontleders het die afgelope week gewaarsku die LPM se fokus op grond is dalk te eensydig om 'n beduidende aantal stemme te lok.
Daarnaas het mnr. Graham Hopwood, uitvoerende direkteur van die Instituut vir Openbare Beleidsnavorsing (IPPR), gesê die LPM se steun sal waarskynlik hoofsaaklik uit die Suide kom.
Volgens hom gaan hulle ook om met klimaatsverandering en die impak daarvan op die ekonomie.
Isaacks kon nie sê watter stappe hulle sal doen oor die gebruik van die omstrede elektroniese stemtoestelle (EVM's) tydens die verkiesings op 27 November nie.
Hulle – soos talle ander opposisiepartye – staan egter die gebruik van dié toestelle teen.
Die stof het steeds nie gaan lê nie nadat dit onlangs aan die lig gekom het talle EVM's wat die Verkiesingskommissie van Namibië (ECN) in 2017 aan Swapo geleen het, is soek.
Leiers van die amptelike opposisie, die Popular Democratic Movement (PDM), het gisteroggend by die ECN se hoofkantoor die media ook oor hul ongelukkigheid met die ECN toegespreek.
Die PDM se sekretaris-generaal, mnr. Manuel Ngaringombe, sê hulle twyfel of die ECN gereed vir die komende verkiesings is.
Volgens hom word hulle aan dubbele standaarde en gemengde boodskappe onderwerp.
– [email protected]
Kommentaar
Republikein
Geen kommentaar is op hierdie artikel gelaat nie