Oorwinning in Benghazi

Lede van Libië se vloot patrolleer die see aan die kus van Libië se tweede stad, Benghazi tydens voortgesette gevegte met djihadiste van die Islamitiese Staat-groep (IS). Die gewapende magte word gelei deur maarskalk Khalifa Haftar. Hy het “’n groot oorwinning” oor die djihadiste in Benghazi aangekondig. Benghazi, die geboorteplek van die 2011-rewolusie wat die bewind van die diktator Moeammar Ghaddafi omvergewerp het, was die afgelope twee jaar die toneel van daaglikse gevegte tussen Haftar-magte en djihadistiese milisies wat beheer oor sekere gedeeltes van die stad het. Foto Nampa/AFP