Op die wieke van die wind
Francoise Steynberg - Bitterwasser Lodge en Vliegsentrum het Sondag 'n mylpaal bereik met 100 sweeftuigvlugte wat oor 'n afstand van meer as 1 000 km elk gestrek het.
Volgens Bitterwasser het hulle oor die afgelope vier weke sowat 350 sweeftuigvlugte gehad waarvan 100 oor 'n afstand van 1 000 km gestrek het.
40 SWEEFTUIE
Daar is tans 40 sweeftuie op Bitterwasser naby Uhlenhorst, wat suidoos van Windhoek in die Hardapstreek geleë is.
Namibië, en veral Bitterwasser, is wêreldbekend in sweeftuigkringe. As op die webtuiste www.flightradar24.com se lewende lugverkeerkaart gekyk word, wemel die sweeftuie omtrent oor dié gebied.
Die meeste sweeftuie word in Duitsland vervaardig, maar die vlieëniers wat tans hul sweeftuigvlerke by Bitterwasser sprei, kom van oral oor die wêreld, onder meer Amerika, Spanje, Italië, Nederland, Frankryk en Australië.
Die sweeftuigvlieëniers het net hoë lof vir die vliegveldbemanning by Bitterwasser wat hard werk om te sorg dat die vlieëniers 'n onvergeetlike sweeftuigvakansie kan geniet.
Volgens Bitterwasser het hulle oor die afgelope vier weke sowat 350 sweeftuigvlugte gehad waarvan 100 oor 'n afstand van 1 000 km gestrek het.
40 SWEEFTUIE
Daar is tans 40 sweeftuie op Bitterwasser naby Uhlenhorst, wat suidoos van Windhoek in die Hardapstreek geleë is.
Namibië, en veral Bitterwasser, is wêreldbekend in sweeftuigkringe. As op die webtuiste www.flightradar24.com se lewende lugverkeerkaart gekyk word, wemel die sweeftuie omtrent oor dié gebied.
Die meeste sweeftuie word in Duitsland vervaardig, maar die vlieëniers wat tans hul sweeftuigvlerke by Bitterwasser sprei, kom van oral oor die wêreld, onder meer Amerika, Spanje, Italië, Nederland, Frankryk en Australië.
Die sweeftuigvlieëniers het net hoë lof vir die vliegveldbemanning by Bitterwasser wat hard werk om te sorg dat die vlieëniers 'n onvergeetlike sweeftuigvakansie kan geniet.
Kommentaar
Republikein
Geen kommentaar is op hierdie artikel gelaat nie