Opname vra insette oor onderrig

Die ministerie van onderwys, kuns en kultuur het ’n landswye opname van stapel gestuur om van leerlinge tot onderwysers se insette oor hul beskouing van voortgesette onderrig in die lig van die Covid-19-pandemie te verkry.Volgens die uitvoerende direkteur, me. Sanet Steenkamp, kan die negatiewe impak van Covid-19 op die onderwysstelsel en die toekoms van Namibiese kinders nie onderskat word nie.“Dit is binne dié raamwerk van internasionale begrip dat ons erken die pandemie kan onbepaald voortduur,” het sy gesê.Volgens Steenkamp poog die opname om insette hieroor van verwante rolspelers te verkry oor die huidige metode van voortgesette onderrig en ook die pad vorentoe vir die huidige akademiese jaar en verder midde die pandemie.Die opname duur tot 28 Augustus en skakels is op die webtuiste van die ministerie by www.moe.gov.na beskikbaar. Die ministerie doen ’n beroep op alle skoolhoofde, leerlinge, ouers, unies en gemeenskapslede om deel te neem.“Jul deelname en insette sal die ministerie se pogings en inisiatiewe ondersteun om voortgesette onderrig te verseker, asook skole se voorbereiding vir leerlinge se terugkeer na die skoolbanke en hul bevordering,” het Steenkamp gesê.

Opname vra insette oor onderrig

Kommentaar

Republikein 2025-04-18

Meld asseblief aan om kommentaar te lewer

Opname vra insette oor onderrig

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie