Optog teen oliesoekers in Kaapstad

Afrika se toekoms lê nie in fossielbrandstowwe soos olie en gas nie, maar in hernubare energie. Dít was die boodskap gister in Kaapstad toe omgewingsdrukgroepe in die Waterfront betoog het waar energieministers uit Afrika tans die Afrika-energieweek bywoon. ‘n Afvaardiging van ReconAfrica onder leiding van die uitvoerende hoof, Scot Evans, woon dit ook by. Dié week vind plaas terwyl die wêreld tans by COP26 in Skotland oor maniere beraadslaag waarop aardverwarming beperk kan word. Foto’s verskaf