Oshana-polisie dwing aandklok af
Hoewel die meeste oortreders tydens die polisiepatrollie slegs gewaarsku is, is sommige wel in hegtenis geneem.
Tuyeimo Haidula op Oshakati – Die polisie in die Oshanastreek het verlede Saterdag en Sondag die strate van Oshakati, Ongwediva en Ondangwa gepatrolleer om te verseker dat inwoners die aandklokreël, van 21:00 tot 04:00, nakom.
Die streek se hoof van operasies, adj.komm. Ottilie Kashuupulwa, was in beheer van die patrollies. Kashuupulwa het aan 27 beamptes gesê die operasie word “Hokanam” genoem. Dit beteken drie in een en verwys na die samesmelting van Operasie Hornkranz, Kalahari en Namibwoestyn.
Sy het benadruk geen beweging sal ná 21:00 toegelaat word nie, tensy dit 'n noodgeval is.
Waarskuwings is aan die meeste oortreders gegee, maar sommige is wel in hegtenis geneem.
Die polisie het ook beslag gelê op pangas, messe en ander gevaarlike voorwerpe van diegene wat op straat was.
Terwyl die publiek se algemene gedrag redelik bevredigend was, het die polisiewoordvoerder, insp. Thomas Aiyambo, kommer uitgespreek oor die hoë aantal mense wat ná 21:00 steeds rondbeweeg.
Hy het gesê die polisie ervaar 'n uitdaging van beperkte hulpbronne, maar sal voortgaan met wat hulle tot hul beskikking het om wet en orde te handhaaf.
– [email protected]
Die streek se hoof van operasies, adj.komm. Ottilie Kashuupulwa, was in beheer van die patrollies. Kashuupulwa het aan 27 beamptes gesê die operasie word “Hokanam” genoem. Dit beteken drie in een en verwys na die samesmelting van Operasie Hornkranz, Kalahari en Namibwoestyn.
Sy het benadruk geen beweging sal ná 21:00 toegelaat word nie, tensy dit 'n noodgeval is.
Waarskuwings is aan die meeste oortreders gegee, maar sommige is wel in hegtenis geneem.
Die polisie het ook beslag gelê op pangas, messe en ander gevaarlike voorwerpe van diegene wat op straat was.
Terwyl die publiek se algemene gedrag redelik bevredigend was, het die polisiewoordvoerder, insp. Thomas Aiyambo, kommer uitgespreek oor die hoë aantal mense wat ná 21:00 steeds rondbeweeg.
Hy het gesê die polisie ervaar 'n uitdaging van beperkte hulpbronne, maar sal voortgaan met wat hulle tot hul beskikking het om wet en orde te handhaaf.
– [email protected]
Kommentaar
Republikein
Geen kommentaar is op hierdie artikel gelaat nie