Oudburgemeester Björn von Finkenstein sterf

Die oudburgemeester, Swapo-politikus en medikus, dr. Björn Graf Finck von Finkenstein, is vroeër vandag in die ouderdom van 63 jaar dood.
Beide pres. Hage Geingob en die minister van landbou, water en grondhervorming, mnr. Calle Schlettwein, het sy afsterwe betreur hom in plasings in die sosiale media vir sy bydrae geëer.
"Toe ons teruggekeer het uit ballingskap het hy ons van mediese behandeling voorsien, waarvoor ons dankbaar sal wees. Ons nasie en die Swapo-party het 'n talentvolle en dinamiese leier verloor wat 'n belangrike rol gespeel het in die vorming van die trajek van die stad Windhoek en die ontwikkeling van sy inwoners.
"Sy heengaan is 'n skok en moeiliker vir ons almal om te aanvaar omdat hy dood is op 'n ouderdom toe hy nog kon bydra tot die ontwikkeling van ons land. As 'n nasie sal ons krag en inspirasie put uit sy uitsonderlike bydraes ten gunste van 'n beter stad," sê Geingob.
Schlettwein het hom as 'n "ware vriend die afgeloe 40 jaar" beskryf.
Geingob het namens die regering en Namibië sy innige meegevoel met sy vrou, Christine, hul kinders, familie en vriende betuig.