Passasiers verdien nie swye
'n Mens voel ná die voorval Vrydagaand by die Hosea Kutako Internasionale Lughawe om jou hande in die lug te gooi en te vra: Wat nóg Air Namibia?
Veiligheid is enige redery of lughawe se nommer een prioriteit.
Bejaardes en passasiers wat spesiale hulp nodig het, plaas hul vertroue in 'n redery en die lughawe-owerheid om veilig aan boord van die vliegtuig te kom, en weer by hul aankoms veilig tot in die aankomssaal gehelp te word.
Vrydagaand was dit nie die geval nie.
Die eerste vraag is wie se verantwoordelikheid was dié ongeluk?
Die Lughawensmaatskappy (NAC) se woordvoerder het navrae na Air Namibia verwys en gesê alle grondhanteringsdienste by hierdie lughawe word deur die nasionale redery self gelewer.
Die nasionale redery se senior woordvoerder het op sy beurt die vinger na die NAC gewys en gesê die ongeluk het by 'n lughawe onder sy beheer gebeur.
Wat die meeste ontstel, is dat joernaliste gister agter dié twee staatsondernemings moes aanbel vir kommentaar oor wat gebeur het.
'n Mens sou verwag die eerste stap sou wees om seker te maak die beseerdes kry die beste moontlike behandeling, gevolg deur 'n amptelike nuusverklaring oor die voorval en die ondersoek wat gedoen word.
Om te wag tot Maandag daarvoor, is eenvoudig onaanvaarbaar – nie net vir die passasiers met wie dit gebeur het, maar vir Namibiërs en die reisende publiek in die algemeen.
Om 'n operasie te ondergaan, is liggaamlik en emosioneel traumaties. Om kort daarna meters ver te val en verdere liggaamlike trauma te beleef, is 'n nagmerrie-ervaring.
Openbare swye is sout in dié mense se wonde.
SO SÊ ANDER
15 Desember 2019
Waarheid oor Eskom is polities inkorrek
Die waarheid oor Eskom is polities heeltemal inkorrek: dat blindelingse transformasie die eens trotse elektrisiteitsreus op sy knieë gedwing het.
Maar die ANC en die regering sal dit nooit erken nie. Net om dit te sê, stel jou bloot aan beskuldigings van rassisme en selfs haatspraak.
Die kragtekorte wat beurtkrag noodsaak, word met spronge groter, pleks van kleiner. In die eerste helfte van vanjaar is 249 eenhede afgeskakel weens foute, teenoor 159 verlede jaar.
Eskom en die regering verstaan nie die probleem nie – hulle plak pleisters oor koeëlwonde. As hulle die neiging van die afgelope 11 jaar nie stuit nie, gaan die kragnetwerk vroeër of later so onstabiel raak dat daar 'n totale ineenstorting is – 'n blackout kan gebeur.
Van 2004 tot 2015 het die getal korttermyn-steenkoolkontrakte aan Eskom gestyg van 13 tot 44. Die getal vervoerkontrakte vir steenkool wat per pad by kragsentrales afgelewer word, het van tien tot 64 toegeneem.
Dis alles kontrakte wat aangegaan is om swart ekonomiese bemagtiging te bevorder. Dit was en is steeds ANC-kaders wat beloon word.
Dis nou eindeloos moeiliker, eintlik onmoontlik, om die gehalte van steenkool te beheer wat aan die kragsentrales gelewer word.
• Rapport
Veiligheid is enige redery of lughawe se nommer een prioriteit.
Bejaardes en passasiers wat spesiale hulp nodig het, plaas hul vertroue in 'n redery en die lughawe-owerheid om veilig aan boord van die vliegtuig te kom, en weer by hul aankoms veilig tot in die aankomssaal gehelp te word.
Vrydagaand was dit nie die geval nie.
Die eerste vraag is wie se verantwoordelikheid was dié ongeluk?
Die Lughawensmaatskappy (NAC) se woordvoerder het navrae na Air Namibia verwys en gesê alle grondhanteringsdienste by hierdie lughawe word deur die nasionale redery self gelewer.
Die nasionale redery se senior woordvoerder het op sy beurt die vinger na die NAC gewys en gesê die ongeluk het by 'n lughawe onder sy beheer gebeur.
Wat die meeste ontstel, is dat joernaliste gister agter dié twee staatsondernemings moes aanbel vir kommentaar oor wat gebeur het.
'n Mens sou verwag die eerste stap sou wees om seker te maak die beseerdes kry die beste moontlike behandeling, gevolg deur 'n amptelike nuusverklaring oor die voorval en die ondersoek wat gedoen word.
Om te wag tot Maandag daarvoor, is eenvoudig onaanvaarbaar – nie net vir die passasiers met wie dit gebeur het, maar vir Namibiërs en die reisende publiek in die algemeen.
Om 'n operasie te ondergaan, is liggaamlik en emosioneel traumaties. Om kort daarna meters ver te val en verdere liggaamlike trauma te beleef, is 'n nagmerrie-ervaring.
Openbare swye is sout in dié mense se wonde.
SO SÊ ANDER
15 Desember 2019
Waarheid oor Eskom is polities inkorrek
Die waarheid oor Eskom is polities heeltemal inkorrek: dat blindelingse transformasie die eens trotse elektrisiteitsreus op sy knieë gedwing het.
Maar die ANC en die regering sal dit nooit erken nie. Net om dit te sê, stel jou bloot aan beskuldigings van rassisme en selfs haatspraak.
Die kragtekorte wat beurtkrag noodsaak, word met spronge groter, pleks van kleiner. In die eerste helfte van vanjaar is 249 eenhede afgeskakel weens foute, teenoor 159 verlede jaar.
Eskom en die regering verstaan nie die probleem nie – hulle plak pleisters oor koeëlwonde. As hulle die neiging van die afgelope 11 jaar nie stuit nie, gaan die kragnetwerk vroeër of later so onstabiel raak dat daar 'n totale ineenstorting is – 'n blackout kan gebeur.
Van 2004 tot 2015 het die getal korttermyn-steenkoolkontrakte aan Eskom gestyg van 13 tot 44. Die getal vervoerkontrakte vir steenkool wat per pad by kragsentrales afgelewer word, het van tien tot 64 toegeneem.
Dis alles kontrakte wat aangegaan is om swart ekonomiese bemagtiging te bevorder. Dit was en is steeds ANC-kaders wat beloon word.
Dis nou eindeloos moeiliker, eintlik onmoontlik, om die gehalte van steenkool te beheer wat aan die kragsentrales gelewer word.
• Rapport
Kommentaar
Republikein
Geen kommentaar is op hierdie artikel gelaat nie