Pepkor-groepe dra Steinhoff
Nellie Brand-Jonker
Steinhoff het ten spyte van sy voortslepende kopsere sy inkomste in die nege maande tot einde Junie met 4% tot €10,1 miljard verhoog.
Dit is danksy sterk bydraes deur Pepkor Europa en Pepkor Afrika, lui 'n handelsoorsig.
Pepkor in Europa het sy omset met 13% tot €2,5 miljard verhoog terwyl Pepkor in Afrika se omset met 3% tot €3,2 miljard gestyg het (in rand het die maatskappy se inkomste met 8% tot R53,1 miljard toegeneem.)
Die uitvoerende direksie sê terwyl dié twee ondernemings hul sterk groei voortgesit het, het ander soos Conforama in Frankryk, Mattress Firm in Amerika en Greenlit Brands in Australië “positiewe potensiaal om te herstel”.
KYK NA AANDEELHOUDING
“Ons moet aan ons sterkste bedryfsondernemings die geleentheid gee om hul volle potensiaal te bereik en seker te maak dat Steinhoff se aandeelhouding in hulle nie hul groei verhinder nie.”
Die direkteure sê alle opsies word oorweeg om sy skuld te verminder. Op 13 Augustus het die groep se skuld €9,09 miljard beloop.
“Dus, terwyl ons voortgaan met ons herstrukturering, gaan ons die toekomstige eienaarskap van hierdie ondernemings onder hersiening hou.”
Die sakereddingsplan, wat vandeesmaand afgehandel is, gee finansiële stabiliteit tot einde 2021 “waartydens die bedryfsondernemings herstruktureer kan word, bates verkoop kan word om skuldvlakke tot meer bestuurbare vlakke te verminder en skuld te herstruktureer as deel van 'n plan om waarde vir aandeelhouers te herstel.”
VOLGENDE STAP
Die volgende stap is nou eers om oplossings vir al die regsgedinge teen die groep te vind.
“Die groep het baie eise van aandeelhouers en verkopers van aandele aan die groep asook kennisgewings van regulatoriese ondersoeke ontvang.
“Litigasie bly 'n wesenlike uitstaande kopseer. Die uitvoerende bestuur, ondersteun deur 'n litigasie-komitee en die groep se regsadviseurs, werk steeds aan 'n oplossing vir die uitstaande eise.
“Ons evalueer terselfdertyd potensiële eise teen derde partye en geld wat teruggevorder kan word van geïmpliseerde entiteite en individue waar gepas.”
Die groep sê die regsgeding wat onlangs teen die voormalige uitvoerende bestuur aanhangig gemaak is, is die eerste stap in die proses.
Steinhoff het Markus Jooste, voormalige uitvoerende hoof, en Ben la Grange, voormalige finansiële hoof, voor die hof gedaag om hul vergoeding van die afgelope jare terug te eis.
'n Eis is ook in Oostenryk teen Top Global ingedien.
Top Global is verwant aan een van die verdagte ondernemings wat in die forensiese ondersoek aan die lig gekom het.
– Netwerk24
Steinhoff het ten spyte van sy voortslepende kopsere sy inkomste in die nege maande tot einde Junie met 4% tot €10,1 miljard verhoog.
Dit is danksy sterk bydraes deur Pepkor Europa en Pepkor Afrika, lui 'n handelsoorsig.
Pepkor in Europa het sy omset met 13% tot €2,5 miljard verhoog terwyl Pepkor in Afrika se omset met 3% tot €3,2 miljard gestyg het (in rand het die maatskappy se inkomste met 8% tot R53,1 miljard toegeneem.)
Die uitvoerende direksie sê terwyl dié twee ondernemings hul sterk groei voortgesit het, het ander soos Conforama in Frankryk, Mattress Firm in Amerika en Greenlit Brands in Australië “positiewe potensiaal om te herstel”.
KYK NA AANDEELHOUDING
“Ons moet aan ons sterkste bedryfsondernemings die geleentheid gee om hul volle potensiaal te bereik en seker te maak dat Steinhoff se aandeelhouding in hulle nie hul groei verhinder nie.”
Die direkteure sê alle opsies word oorweeg om sy skuld te verminder. Op 13 Augustus het die groep se skuld €9,09 miljard beloop.
“Dus, terwyl ons voortgaan met ons herstrukturering, gaan ons die toekomstige eienaarskap van hierdie ondernemings onder hersiening hou.”
Die sakereddingsplan, wat vandeesmaand afgehandel is, gee finansiële stabiliteit tot einde 2021 “waartydens die bedryfsondernemings herstruktureer kan word, bates verkoop kan word om skuldvlakke tot meer bestuurbare vlakke te verminder en skuld te herstruktureer as deel van 'n plan om waarde vir aandeelhouers te herstel.”
VOLGENDE STAP
Die volgende stap is nou eers om oplossings vir al die regsgedinge teen die groep te vind.
“Die groep het baie eise van aandeelhouers en verkopers van aandele aan die groep asook kennisgewings van regulatoriese ondersoeke ontvang.
“Litigasie bly 'n wesenlike uitstaande kopseer. Die uitvoerende bestuur, ondersteun deur 'n litigasie-komitee en die groep se regsadviseurs, werk steeds aan 'n oplossing vir die uitstaande eise.
“Ons evalueer terselfdertyd potensiële eise teen derde partye en geld wat teruggevorder kan word van geïmpliseerde entiteite en individue waar gepas.”
Die groep sê die regsgeding wat onlangs teen die voormalige uitvoerende bestuur aanhangig gemaak is, is die eerste stap in die proses.
Steinhoff het Markus Jooste, voormalige uitvoerende hoof, en Ben la Grange, voormalige finansiële hoof, voor die hof gedaag om hul vergoeding van die afgelope jare terug te eis.
'n Eis is ook in Oostenryk teen Top Global ingedien.
Top Global is verwant aan een van die verdagte ondernemings wat in die forensiese ondersoek aan die lig gekom het.
– Netwerk24
Kommentaar
Republikein
Geen kommentaar is op hierdie artikel gelaat nie