Pinehas word weermagbaas

Die waarnemende hoof van die Namibiese weermag (NDF), adjunkmaarskalk Martin Pinehas (foto), sal die NDF voortaan lei.

Dr. Alfredo Hengari, pres. Hage Geingob se woordvoerder, sê die staatshoof het in sy hoedanigheid as bevelvoerder van die NDF vir Pinehas tot maarskalk bevorder en hom as weermaghoof aangestel.

Dié aanstelling is van môre af van krag.

Hengari sê Pinehas sal verantwoordelik vir optrede teen weermaglede wees wat hulle aan wangedrag skuldig maak en verseker dié lede word ondersoek en vervolg.

Pinehas sal ook moet toesien dat openbare hulpbronne onder sy toesig doeltreffend bestuur word en verantwoording daaroor doen, sê Hengari.