Pita-taco's: ’n Wenkombinasie

Dié broodjies is ’n bietjie Mexikaans, ’n bietjie Mediterreens… en báie lekker.

Jy benodig

• 125 g kersietamaties, in klein stukkies gesny

• ½ rooiui, fyngekap

• 2 jalapeñorissies, fyngekap

• ’n hand vol vars koljanderblare, fyngekap

• 8 klein pitabroodjies, oopgesny

• 1 koppie suurroom

• 1 koppie (100 g) gerasperde cheddarkaas

Só maak jy1. Meng die kersietamatiestukkies, rooi ui, jalapeño-rissies en koljander saam in ’n klein bakkie.

2. Vul elke broodjie met suurroom, cheddarkaas en 1 eetlepel van die kersietamatiemengsel.

3. Braai die broodjies in ’n braaipan of geriffelde pan oor matige hitte. Draai dit ná 5 minute om en braai die ander kant ook vir 5 minute – dit moet mooi goudbruin wees. - Netwerk24