Plan om te floreer
Huise en erwe, ’n inkomstetoelaag en nuwe ekonomiese geleenthede is voorgestel.
Augetto Graig – President Hage Geingob se Harambee Welvaartsplan Twee (HPP2) wat gister amptelik voorgestel is, behels onder meer die konsolidasie van die voedselbank en omskep die toelae vir gemarginaliseerde Namibiërs tot ’n basiese inkomstetoelaag vir goedgekeurde begunstigdes.
Verder word die diens van 24 000 erwe en die bou van meer as 20 000 huise vir die vierjaarperiode tot 2024 beplan.
Nog verandering sluit in die hersiening van die nasionale behuisingsbeleid en die opgradering van vyf informele nedersettings; herstrukturering van die openbare gesondheidsektor en die ondersoek van ’n nasionale gesondheidsversekering; opgradering van opvoedkundige infrastruktuur; vestiging van ’n regulerende owerheid vir onderwysers; voltooiing van die volhoubaarheidstudie vir die NSFAF-studentehulpfonds, asook beter opleiding vir polisie en beamptes wat geslagsgeweld handel. ’n Register van seksuele oortreders sal ook opgestel word.
VEERKRAGTIGHEID
Geingob sê die nuwe plan dui op die nasie se veerkragtigheid en geloof in die Namibiese reis tot vrede, demokrasie, welvaart en die strewe na herstel van die impak van Covid-19.
Volgens die president het die 74% toepassing van die oorspronklike HPP belangrike lesse na vore gebring, insluitend die nodigheid vir verbeterde fokus en koördinasie, dieper samewerking en vennootskappe, en ’n gedeelde sin van dringendheid om gewenste resultate te lewer.
Geingob sê sy plan behels nuwe geleenthede en ’n fokus op die beter verantwoording vir die land se natuurlike hulpbronne.
Die nuwe geleenthede sluit in die skepping van ’n soewereine welvaartsfonds, hersiening van wetgewing om die redding van besighede makliker te maak, die notering en verkoop van MTC-aandele om sowat N$3 miljard in te samel, werkskeppingsprojekte en die benutting van Namibië se potensiaal om groen waterstof en groen ammoniak te vervaardig.
HPP2 bevat ook die vestiging van ’n nuwe ontsoutingsaanleg en die uitbreiding van plaaslike kragopwekkingsvermoë deur 250 MW kapasiteit by te voeg. Die vraghouerfasiliteit by Walvisbaai sal ook uitgebrei word. Hierdie en ander transformatiewe projekte benodig plaaslike en internasionale belegging en die regering hoop om só projekte ter waarde van N$27 miljard los te slaan, sê Geingob.
Om uitvoering van die plan te verbeter, sal ’n prestasieleweringseenheid opgestel word, sê die staatshoof. “Ons erken die dringendheid van die behoefte aan dienslewering. Nou is die tyd om hande te hou en saam ’n ekonomie te bou wat almal insluit en waarin almal die groei kan deel,” sê hy.
Adviseurs van die president het uitgebrei oor verskeie doelwitte en aksies beplan onder die verskeie pilare van die nuwe HPP2-plan.
Me. Inge Zaamwani het gepraat oor die plan vir doeltreffende regering en sê aanspreeklikheid en deursigtigheid van die Teenkorrupsiekommissie sal saam met beter prestasie en diensleweringstelsels, groter burgerlike betrokkenheid en beter handhawing van geregtigheid en die wet toegepas word.
Die wetsontwerpe op toegang tot inligting, op die Namibiese beleggingspromosie en ontwikkelingsraad, en op die Nuwe Raamwerk vir Gelyke Ekonomiese Bemagtiging (NEEEF), moet spoedig saam met die wetsontwerp op elektroniese transaksies en kubermisdaad bekragtig word, sê sy.
Nog ’n adviseur, mnr. James Mnyupe, het die vestiging van ’n nuwe nasionale kleinsakefonds genoem, terwyl sy eweknie me. Daisry Mathias gesê het spesiale howe vir geslagsgeweld sal opgestel word. Volgens die adviseur me. Penny Akwenye sal NamWater nuwe waterpyplyne verskaf uit waterdraers in Ohangwena en naby Van Bachdam, terwyl watersuiweringsaanlegte op Oshakati en Rundu uitgebrei sal word. Dr. Alfredo Hengari sê ekonomiese diplomasie sal belegging aanspoor.
– [email protected]
Verder word die diens van 24 000 erwe en die bou van meer as 20 000 huise vir die vierjaarperiode tot 2024 beplan.
Nog verandering sluit in die hersiening van die nasionale behuisingsbeleid en die opgradering van vyf informele nedersettings; herstrukturering van die openbare gesondheidsektor en die ondersoek van ’n nasionale gesondheidsversekering; opgradering van opvoedkundige infrastruktuur; vestiging van ’n regulerende owerheid vir onderwysers; voltooiing van die volhoubaarheidstudie vir die NSFAF-studentehulpfonds, asook beter opleiding vir polisie en beamptes wat geslagsgeweld handel. ’n Register van seksuele oortreders sal ook opgestel word.
VEERKRAGTIGHEID
Geingob sê die nuwe plan dui op die nasie se veerkragtigheid en geloof in die Namibiese reis tot vrede, demokrasie, welvaart en die strewe na herstel van die impak van Covid-19.
Volgens die president het die 74% toepassing van die oorspronklike HPP belangrike lesse na vore gebring, insluitend die nodigheid vir verbeterde fokus en koördinasie, dieper samewerking en vennootskappe, en ’n gedeelde sin van dringendheid om gewenste resultate te lewer.
Geingob sê sy plan behels nuwe geleenthede en ’n fokus op die beter verantwoording vir die land se natuurlike hulpbronne.
Die nuwe geleenthede sluit in die skepping van ’n soewereine welvaartsfonds, hersiening van wetgewing om die redding van besighede makliker te maak, die notering en verkoop van MTC-aandele om sowat N$3 miljard in te samel, werkskeppingsprojekte en die benutting van Namibië se potensiaal om groen waterstof en groen ammoniak te vervaardig.
HPP2 bevat ook die vestiging van ’n nuwe ontsoutingsaanleg en die uitbreiding van plaaslike kragopwekkingsvermoë deur 250 MW kapasiteit by te voeg. Die vraghouerfasiliteit by Walvisbaai sal ook uitgebrei word. Hierdie en ander transformatiewe projekte benodig plaaslike en internasionale belegging en die regering hoop om só projekte ter waarde van N$27 miljard los te slaan, sê Geingob.
Om uitvoering van die plan te verbeter, sal ’n prestasieleweringseenheid opgestel word, sê die staatshoof. “Ons erken die dringendheid van die behoefte aan dienslewering. Nou is die tyd om hande te hou en saam ’n ekonomie te bou wat almal insluit en waarin almal die groei kan deel,” sê hy.
Adviseurs van die president het uitgebrei oor verskeie doelwitte en aksies beplan onder die verskeie pilare van die nuwe HPP2-plan.
Me. Inge Zaamwani het gepraat oor die plan vir doeltreffende regering en sê aanspreeklikheid en deursigtigheid van die Teenkorrupsiekommissie sal saam met beter prestasie en diensleweringstelsels, groter burgerlike betrokkenheid en beter handhawing van geregtigheid en die wet toegepas word.
Die wetsontwerpe op toegang tot inligting, op die Namibiese beleggingspromosie en ontwikkelingsraad, en op die Nuwe Raamwerk vir Gelyke Ekonomiese Bemagtiging (NEEEF), moet spoedig saam met die wetsontwerp op elektroniese transaksies en kubermisdaad bekragtig word, sê sy.
Nog ’n adviseur, mnr. James Mnyupe, het die vestiging van ’n nuwe nasionale kleinsakefonds genoem, terwyl sy eweknie me. Daisry Mathias gesê het spesiale howe vir geslagsgeweld sal opgestel word. Volgens die adviseur me. Penny Akwenye sal NamWater nuwe waterpyplyne verskaf uit waterdraers in Ohangwena en naby Van Bachdam, terwyl watersuiweringsaanlegte op Oshakati en Rundu uitgebrei sal word. Dr. Alfredo Hengari sê ekonomiese diplomasie sal belegging aanspoor.
– [email protected]
Kommentaar
Republikein
Geen kommentaar is op hierdie artikel gelaat nie