Plofstof eis twee kleuters

Twee kleuters is die naweek dood toe die plofstof waarmee hulle glo gespeel het, ontplof het. Die voorval het om 18:40 in Opuwo in Katutura plaasgevind. Tjapona Hivandinga (4) en Mukatokoo Nangopwa (4) het op die toneel gesterf, en nog kinders is beseer.Een van die kinders is in 'n kritieke toestand in die staatshospitaal op Oshakati opgeneem.Twee mans het 'n man (36) glo Saterdag tussen 05:00 en 06:00 in Jakkalsdraai op Lüderitz verkrag. Die verdagtes is na wat verneem word aan die polisie bekend en word gesoek.Me. Elfriede Afrikaner (36) se kêrel (25) het haar na wat verneem word Vrydag om 12:00 by Freedom Square in Epako doodgesteek.Sy is glo met 'n stuk draad in die bors gesteek en het op die toneel gesterf. Die man is in hegtenis geneem.BRANDE'n Sinkhuis het glo Vrydag omstreeks 05:00 in die Omdel- informele nedersetting op Hentiesbaai aan die brand geslaan. Me. Maria Xam-Khaos (42) het doodgebrand en 'n man wat ook in die sinkhuis was, is nie beseer nie. Die sinkhuis is vernietig en die oorsaak van die brand is onbekend. Saterdag het mnr. Gert Rooi in die Katutura-staatshospitaal gesterf. Hy het erge brandwonde opgedoen toe sy sinkhuis om 22:00 aan die brand geslaan het. Die oorsaak van die brand is nie bekend nie.Silence Fillemon (8) het Vrydag by Aeroplane Bay Beach op Lüderitz verdrink waar hy geswem het. Mnr. Muthoko Shikongeni (42), 'n werknemer van Ohorongo-sement, is dood toe hy deur 'n voerbandmasjien raakgery is.Hy was glo besig om die masjien skoon te maak toe 'n kollega dit aanskakel.Shikongeni is ernstig beseer en na die privaat hospitaal op Tsumeb geneem waar hy aan sy beserings beswyk het. OngelukkeVrydag om 11:40 het twee mense in 'n ongeluk gesterf toe die bestuurder van 'n bakkie beheer daaroor verloor het en die voertuig omgeslaan het. Mnre. Johannes Katjipotu (61) en Virgilio Likumbeinge (27), 'n Angolese burger, het op die toneel gesterf. Die voorval het sowat 2 km suid van Otjinene plaasgevind. Niemand is in hegtenis geneem nie en die polisieondersoek duur voort.'n Onbekende bestuurder het 'n onbekende vrou (50) Saterdag omstreeks 03:20 naby die Echo-diensstasie op Rehoboth raakgery. Die bestuurder het glo van die toneel gevlug en die polisieondersoek duur voort. Die vrou is met ernstige beserings in die hospitaal opgeneem. By die treinoorgang in Newtonstraat op Swakopmund het die bestuurder van 'n sewesitplekvoertuig glo versuim om te stop en met 'n trein gebots. Die vyf passasiers in die voertuig is almal met beserings in die hospitaal opgeneem.

Plofstof eis twee kleuters

Kommentaar

Republikein 2025-04-10

Meld asseblief aan om kommentaar te lewer

Plofstof eis twee kleuters

Kommentaar

Republikein 2025-04-10

Meld asseblief aan om kommentaar te lewer

MELD AAN

Advertensie