Polisie moet opdok ná vrou se aanranding
'n Vrou wat in 2017 deur 'n polisielid aangerand is, sal 'n tiende van die N$100 000 ontvang waarvoor sy die polisie aanvanklik gedagvaar het.
Jana-Mari Smith – 'n Hoërhofregter het N$10 000 aan 'n vrou toegeken nadat bevind is dat sy in 2017 deur 'n polisiebeampte tydens ondervraging in die gesig geslaan is.
Dié bedrag is net 'n breukdeel van die N$100 000 waarvoor me. Penehafo Naholo die polisie vroeg in 2019 gedagvaar het.
Sy het die polisie beskuldig hulle het haar hardhandig geboei, elektriese skokke toegedien en geslaan ná 'n gewapende rooftog by haar werkplek.
Waarnemende hoërhofregter Collins Parker het vier van die vyf eise waarvoor Naholo die polisie gedagvaar het, van die hand gewys weens 'n gebrek aan voldoende bewyse.
Tydens die ondersoek is bevind een van die mans wat by die rooftog by die dobbelhuis betrokke was, was Naholo se kêrel. Sy is egter nooit in hegtenis geneem of aangekla in verband met die saak nie.
Volgens Parker se uitspraak beteken die eis van N$100 000 'n bedrag van N$20 000 vir elke eis, indien dit gelykop verdeel sou word.
ONDERSOEK
Die eerste eis wat die hof van die hand gewys het, het verband gehou met Naholo se klag dat sy onregmatig in hegtenis geneem is. Parker het benadruk die eis kan nie bewys word nie, omdat die eiser nooit in hegtenis geneem is soos sy in die hof getuig het nie.
Wat die kwessie van onwettige aanhouding betref, het Parker gesê “geen bewyse” is tydens die verhoor aangebied om hierdie bewering te staaf nie.
Hy het bygevoeg die polisie het binne hul regte opgetree om haar te ondervra as 'n belangrike getuie van die gewapende rooftog, en as die meisie van een van die beskuldigde rowers.
Hy het die aantyging dat Naholo op 'n ongewone manier geboei is, van die hand gewys en benadruk daar is geen bewyse om dit te steun nie.
Oor die bewering dat elektriese skokke aan haar polse toegedien is tydens ondervraging, het Parker op die getuienis van 'n dokter staatgemaak.
Hy het getuig toe hy haar ná die aanranding behandel het, het sy nie genoem dat sy “baie belangrike inligting” wil aanmeld van elektriese skokke waaraan sy onderwerp is nie, en het slegs die fisieke aanranding beskryf.
AANRANDING
Die enigste aantyging waarmee Parker tevrede was, was die houe in haar gesig waaroor Naholo getuig het.
Hy het gesê hy voel “dit is veilig om af te lei” dat die eiser deur 'n polisiebeampte aangerand is, bloot gebaseer op die waarskynlikheid van die voorval.
Hy het gesê die enigste geloofwaardige aantyging was die houe, 'n aanranding wat deur kneusplekke op haar linkerwang ondersteun is, hoewel daar geen oop wonde was nie.
“Dit is nie te sê ek het die feit misgekyk dat enige onwettige aanranding veroordeel moet word nie.”
Hy het gesê na aanleiding van die feite van die saak, dink hy N$20 000 vir die aanranding is buitensporig.
“Na my oordeel is 'n toekenning van N$10 000 billik.”
Parker het beslis beide party moet hul eie regskostes betaal, alhoewel slegs een van Naholo se vyf eise suksesvol was.
Hy het gesê hy het in ag geneem die verweerders is regeringsamptenare, en Naholo 'n “gewone, werklose persoon wat na die hof gekom het om haar regte uit te oefen. Sulke optrede deur arm, gewone mense moet in 'n regstaat aangemoedig word.” - [email protected]
Dié bedrag is net 'n breukdeel van die N$100 000 waarvoor me. Penehafo Naholo die polisie vroeg in 2019 gedagvaar het.
Sy het die polisie beskuldig hulle het haar hardhandig geboei, elektriese skokke toegedien en geslaan ná 'n gewapende rooftog by haar werkplek.
Waarnemende hoërhofregter Collins Parker het vier van die vyf eise waarvoor Naholo die polisie gedagvaar het, van die hand gewys weens 'n gebrek aan voldoende bewyse.
Tydens die ondersoek is bevind een van die mans wat by die rooftog by die dobbelhuis betrokke was, was Naholo se kêrel. Sy is egter nooit in hegtenis geneem of aangekla in verband met die saak nie.
Volgens Parker se uitspraak beteken die eis van N$100 000 'n bedrag van N$20 000 vir elke eis, indien dit gelykop verdeel sou word.
ONDERSOEK
Die eerste eis wat die hof van die hand gewys het, het verband gehou met Naholo se klag dat sy onregmatig in hegtenis geneem is. Parker het benadruk die eis kan nie bewys word nie, omdat die eiser nooit in hegtenis geneem is soos sy in die hof getuig het nie.
Wat die kwessie van onwettige aanhouding betref, het Parker gesê “geen bewyse” is tydens die verhoor aangebied om hierdie bewering te staaf nie.
Hy het bygevoeg die polisie het binne hul regte opgetree om haar te ondervra as 'n belangrike getuie van die gewapende rooftog, en as die meisie van een van die beskuldigde rowers.
Hy het die aantyging dat Naholo op 'n ongewone manier geboei is, van die hand gewys en benadruk daar is geen bewyse om dit te steun nie.
Oor die bewering dat elektriese skokke aan haar polse toegedien is tydens ondervraging, het Parker op die getuienis van 'n dokter staatgemaak.
Hy het getuig toe hy haar ná die aanranding behandel het, het sy nie genoem dat sy “baie belangrike inligting” wil aanmeld van elektriese skokke waaraan sy onderwerp is nie, en het slegs die fisieke aanranding beskryf.
AANRANDING
Die enigste aantyging waarmee Parker tevrede was, was die houe in haar gesig waaroor Naholo getuig het.
Hy het gesê hy voel “dit is veilig om af te lei” dat die eiser deur 'n polisiebeampte aangerand is, bloot gebaseer op die waarskynlikheid van die voorval.
Hy het gesê die enigste geloofwaardige aantyging was die houe, 'n aanranding wat deur kneusplekke op haar linkerwang ondersteun is, hoewel daar geen oop wonde was nie.
“Dit is nie te sê ek het die feit misgekyk dat enige onwettige aanranding veroordeel moet word nie.”
Hy het gesê na aanleiding van die feite van die saak, dink hy N$20 000 vir die aanranding is buitensporig.
“Na my oordeel is 'n toekenning van N$10 000 billik.”
Parker het beslis beide party moet hul eie regskostes betaal, alhoewel slegs een van Naholo se vyf eise suksesvol was.
Hy het gesê hy het in ag geneem die verweerders is regeringsamptenare, en Naholo 'n “gewone, werklose persoon wat na die hof gekom het om haar regte uit te oefen. Sulke optrede deur arm, gewone mense moet in 'n regstaat aangemoedig word.” - [email protected]
Kommentaar
Republikein
Geen kommentaar is op hierdie artikel gelaat nie