Positiewe koers vir Covid-19 neem van 28% tot 15% af

President Hage Geingob sê die positiewe koers vir Covid-19-gevalle het van 28% tot 15% in die laaste twee weke afgeneem. Die herstelkoers vir die land staan tans op 91%, terwyl die sterftekoers op 2,7% staan. Volgens Geingob het Namibië die afgelope weke 'n afname van 52% in die voorkoms van Covid-19-gevalle aangeteken. Die nasionale immuniseringskoers vir inwoners wat ten volle ingeënt is, het van 1,8% tot 2,7% gestyg, terwyl dié wat 'n eerste dosis entstof ontvang het, van 6,1% tot 7,1% gestyg het. Geingob sê
'n gemiddeld van 3 250 immuniserings per dag is aangeteken. Op 12 Augustus is 7 622 mense ingeënt.
Geingob was aan die woord met die aankondiging van die nuwe regulasies teen Covid-19 wat vir 31 dae tot middernag 14 September sal geld.