PPP-eenheid op die been
Die ministerie van finansies hou ’n wakende oog oor openbare-private vennootskappe.
Verdana" >
Augetto Graig - Die eenheid vir openbare-private vennootskappe (PPP) in die ministerie van finansies het die media genooi om Vrydag (22 Februarie) ’n inligtingsessie oor hul funksie, toepaslike wette, raamwerke en projekte by te woon.
Mnr. Elifas Luaanda, adjunkdirekteur van dié eenheid, het hierna as “’n nuwe soort dier in Namibië” verwys.
Die stelsel, wat samewerking tussen die regering en die privaat sektor behels, word as ’n oplossing vir veral beter infrastruktuurontwikkeling beskou.
Luaanda sê die idee het sedert 2015 gevorder tot die inwerkingstelling van die PPP-wet in Junie 2017, die aanstelling van die PPP-komitee op 4 Desember verlede jaar, en die aanbring van PPP-regulasies in die Staatskoerant op 18 Desember verlede jaar.
Die wet is op 1 Desember verlede jaar bekragtig.
Mnr. Johannes Shipepe, hoofekonoom vir projekevaluerings in die PPP-eenheid, het benadruk die PPP-stelsel is nie dieselfde as privatisering van die staat se bates of verantwoordelikhede nie.
Hy het gesê PPP’s behels eerder die reg om dienste namens die regering te verskaf.
Met die opstel van PPP-ooreenkomste neem die regering kwessies in ag wat insluit waarde vir geld, openbare belang, mededinging, deursigtigheid, bekostigbaarheid, aanspreeklikheid, die uitkoms van die ooreenkoms en moontlike risiko.
Met oorweging hiervan sal die komitee spesifieke transaksies goedkeur, die proses monitor en vasstel of ’n spesifieke projek goedgekeur sal word.
Voordele van PPP-ooreenkomste sluit in die moontlikheid om kapitaal van die privaat sektor in te span, en om deur doeltreffendheid meer waarde vir geld te verseker, het hy gesê.
Redes waarom PPP-projekte afgekeur kan word, sluit in ’n tekort aan beskikbare finansiering van die betrokke owerheid of staatsonderneming, die verberging van ware risiko’s of enige poging om ware risiko’s na die regering te verskuif, het hy gesê.
Volgens Luaanda het dié eenheid in die ministerie van finansies ook internasionale finansiering vir die bevordering van die PPP-benadering in Namibië ontvang.
Dit sluit US$1,12 miljoen van die Afrika-ontwikkelingsbank in 2015 in, wat ten bate van kapasiteitsbou, voorbereiding van projekte en die evaluering van begrotings aangewend is.
In 2017 het die Franse ontwikkelingsagentskap ook €400 000 beskikbaar gemaak.
Die Afrika-regsondersteuningsfasiliteit het in dieselfde jaar US$200 000 geskenk, terwyl die Internasionale Monetêre Fonds (IMF) sedert 2018 tegniese ondersteuning verskaf.
Volgens Luaanda is die eenheid voortdurend besig met verskeie moontlike PPP-projekte, wat ’n wye reeks sektore dek, insluitend behuising, vervoer en logistiek, kragopwekking, gesondheid en selfs die bou van uitgebreide hoofkantore vir die ministerie van justisie.
Van die aanbevelings wat die eenheid reeds uitgereik het, sluit in dat die ministerie van die omgewing hul begroting oorweeg om te bepaal of die herstel van die Etosha-heining bekostigbaar is.
Die eenheid het ook die Universiteit van Namibië (Unam) aangeraai om PPP-ooreenkomste vir die bou van koshuise by die mediese skool en op Katima Mulilo te versterk.
Die Namibië Universiteit vir Wetenskap en Tegnologie (Nust) is in kennis gestel hul plan om behuising in Kleine Kuppe in die hoofstad te bou, is nie ’n ware PPP nie.
Dieselfde geld Namcor, wat vulstasies op Ondangwa, Gobabis en Windhoek wil oprig.
Mariental se munisipaliteit is aangeraai om die proses vir die aanstelling van vennote om ’n 5 MW-sonkragaanleg te bou, vir mededinging te open.
Augetto Graig - Die eenheid vir openbare-private vennootskappe (PPP) in die ministerie van finansies het die media genooi om Vrydag (22 Februarie) ’n inligtingsessie oor hul funksie, toepaslike wette, raamwerke en projekte by te woon.
Mnr. Elifas Luaanda, adjunkdirekteur van dié eenheid, het hierna as “’n nuwe soort dier in Namibië” verwys.
Die stelsel, wat samewerking tussen die regering en die privaat sektor behels, word as ’n oplossing vir veral beter infrastruktuurontwikkeling beskou.
Luaanda sê die idee het sedert 2015 gevorder tot die inwerkingstelling van die PPP-wet in Junie 2017, die aanstelling van die PPP-komitee op 4 Desember verlede jaar, en die aanbring van PPP-regulasies in die Staatskoerant op 18 Desember verlede jaar.
Die wet is op 1 Desember verlede jaar bekragtig.
Mnr. Johannes Shipepe, hoofekonoom vir projekevaluerings in die PPP-eenheid, het benadruk die PPP-stelsel is nie dieselfde as privatisering van die staat se bates of verantwoordelikhede nie.
Hy het gesê PPP’s behels eerder die reg om dienste namens die regering te verskaf.
Met die opstel van PPP-ooreenkomste neem die regering kwessies in ag wat insluit waarde vir geld, openbare belang, mededinging, deursigtigheid, bekostigbaarheid, aanspreeklikheid, die uitkoms van die ooreenkoms en moontlike risiko.
Met oorweging hiervan sal die komitee spesifieke transaksies goedkeur, die proses monitor en vasstel of ’n spesifieke projek goedgekeur sal word.
Voordele van PPP-ooreenkomste sluit in die moontlikheid om kapitaal van die privaat sektor in te span, en om deur doeltreffendheid meer waarde vir geld te verseker, het hy gesê.
Redes waarom PPP-projekte afgekeur kan word, sluit in ’n tekort aan beskikbare finansiering van die betrokke owerheid of staatsonderneming, die verberging van ware risiko’s of enige poging om ware risiko’s na die regering te verskuif, het hy gesê.
Volgens Luaanda het dié eenheid in die ministerie van finansies ook internasionale finansiering vir die bevordering van die PPP-benadering in Namibië ontvang.
Dit sluit US$1,12 miljoen van die Afrika-ontwikkelingsbank in 2015 in, wat ten bate van kapasiteitsbou, voorbereiding van projekte en die evaluering van begrotings aangewend is.
In 2017 het die Franse ontwikkelingsagentskap ook €400 000 beskikbaar gemaak.
Die Afrika-regsondersteuningsfasiliteit het in dieselfde jaar US$200 000 geskenk, terwyl die Internasionale Monetêre Fonds (IMF) sedert 2018 tegniese ondersteuning verskaf.
Volgens Luaanda is die eenheid voortdurend besig met verskeie moontlike PPP-projekte, wat ’n wye reeks sektore dek, insluitend behuising, vervoer en logistiek, kragopwekking, gesondheid en selfs die bou van uitgebreide hoofkantore vir die ministerie van justisie.
Van die aanbevelings wat die eenheid reeds uitgereik het, sluit in dat die ministerie van die omgewing hul begroting oorweeg om te bepaal of die herstel van die Etosha-heining bekostigbaar is.
Die eenheid het ook die Universiteit van Namibië (Unam) aangeraai om PPP-ooreenkomste vir die bou van koshuise by die mediese skool en op Katima Mulilo te versterk.
Die Namibië Universiteit vir Wetenskap en Tegnologie (Nust) is in kennis gestel hul plan om behuising in Kleine Kuppe in die hoofstad te bou, is nie ’n ware PPP nie.
Dieselfde geld Namcor, wat vulstasies op Ondangwa, Gobabis en Windhoek wil oprig.
Mariental se munisipaliteit is aangeraai om die proses vir die aanstelling van vennote om ’n 5 MW-sonkragaanleg te bou, vir mededinging te open.
Kommentaar
Republikein
Geen kommentaar is op hierdie artikel gelaat nie