Pret en parkeer vir kanker

Die Kankervereniging van Namibië (CAN) se vrywilligerskomitee wat op Rehoboth gebaseer is, het kragte saamgesnoer met die plaaslike Volkswagen GT Customs-sosiale klub vir 'n “Park & Sound"-pretdag om geld vir die stryd teen kanker in die gemeenskap in te samel. Die dag het N$10 000 opgelewer vir die ondersteuningsfonds vir pasiënte, terwyl 'n verdere N$5 000 ingesamel is wat gebruik sal word vir 'n Kersete vir weerlose kankerpasiënte in die dorp. Die groep het die skenking aan CAN se uitvoerende hoof, mnr. Rolf Hansen, oorhandig.