Pretdag om die draai
Padwedlope
Tielman van Lill - Bank Windhoek se jaarlikse pretdag wat voorheen as die Bank Windhoek Corporate Challenge Relay bekend gestaan het, word vanjaar op Saterdag 11 November by die Deutscher Turn und Sportverein-velde (DTS) in Olympia aangebied.
Nadat Bank Windhoek talle versoeke gekry het om aanpassings aan die kompetisie te maak, gaan vanjaar se pretdag heelwat anders as vorige jare daar uitsien. Voorheen kon maatskappye wat in dieselfde bedryf was, spanne inskryf om teen mekaar in 'n 20 km-aflos mee te ding en in die proses spangees te bevorder.
Volgende maand kry groepe vriende en families vir die eerste keer die kans om mekaar die stryd op 'n gemaklike sosiale vlak in 'n verskeidenheid tradisionele speletjies te pak terwyl die vars buitelug geniet word.
Vir die maatskappyspanne is niks verlore nie, want dié kan steeds spanne inskryf en ook hul werknemers se gesinne betrek.
Bank Windhoek se oorspronklike gedagte met die korporatiewe aflos waar elke spanlid 1.25 km moes aflê, was om geld vir liefdadigheidsorganisasies in te samel. Dié idee het nie verander nie en organisasies sal steeds by die geleentheid baat. Vir die meer aktiewe en kompeterende geeste onder die deelnemers is daar 'n 5 km pretstap (of draf vir die atlete) gereël wat op 11 November aangebied word.
Me. Jacquiline Pack, uitvoerende hoof vir bemarking en korporatiewe kommunikasiedienste van Bank Windhoek, sê: “Bank Windhoek gee om vir die welstand van die gemeenskap waarin ons klandisie gevestig is en ook die welstand van ons werknemers. Ons strewe is om 'n gesonde leefstyl te kweek wat tot 'n gebalanseerde lewe bydra.”
Elke deelnemer sal 'n deelnemersmedalje by voltooiing van die dag ontvang, terwyl wenspanne met pryse bederf sal word. Mense kan hul families saambring, want die dag is daar vir almal om te geniet. Vermaaklike optredes sal verskaf word en kinders sal eenkant onder toesig hul eie ding kan doen, terwyl ma en pa elders kompeteer. Verversings sal gedurende die dag te koop wees.
Die inskrywings vir 'n span van vier beloop N$400 en roetes sal met die aanvang van die pretdag bekend gemaak word. Mense word aangemoedig om 'n inskrywingsvorm te voltooi wat by al sy banktakke in Windhoek of by www.bankwindhoek.com.na beskikbaar is. Die sluitingsdatum vir inskrywings is Vrydag 10 November.
Nadat Bank Windhoek talle versoeke gekry het om aanpassings aan die kompetisie te maak, gaan vanjaar se pretdag heelwat anders as vorige jare daar uitsien. Voorheen kon maatskappye wat in dieselfde bedryf was, spanne inskryf om teen mekaar in 'n 20 km-aflos mee te ding en in die proses spangees te bevorder.
Volgende maand kry groepe vriende en families vir die eerste keer die kans om mekaar die stryd op 'n gemaklike sosiale vlak in 'n verskeidenheid tradisionele speletjies te pak terwyl die vars buitelug geniet word.
Vir die maatskappyspanne is niks verlore nie, want dié kan steeds spanne inskryf en ook hul werknemers se gesinne betrek.
Bank Windhoek se oorspronklike gedagte met die korporatiewe aflos waar elke spanlid 1.25 km moes aflê, was om geld vir liefdadigheidsorganisasies in te samel. Dié idee het nie verander nie en organisasies sal steeds by die geleentheid baat. Vir die meer aktiewe en kompeterende geeste onder die deelnemers is daar 'n 5 km pretstap (of draf vir die atlete) gereël wat op 11 November aangebied word.
Me. Jacquiline Pack, uitvoerende hoof vir bemarking en korporatiewe kommunikasiedienste van Bank Windhoek, sê: “Bank Windhoek gee om vir die welstand van die gemeenskap waarin ons klandisie gevestig is en ook die welstand van ons werknemers. Ons strewe is om 'n gesonde leefstyl te kweek wat tot 'n gebalanseerde lewe bydra.”
Elke deelnemer sal 'n deelnemersmedalje by voltooiing van die dag ontvang, terwyl wenspanne met pryse bederf sal word. Mense kan hul families saambring, want die dag is daar vir almal om te geniet. Vermaaklike optredes sal verskaf word en kinders sal eenkant onder toesig hul eie ding kan doen, terwyl ma en pa elders kompeteer. Verversings sal gedurende die dag te koop wees.
Die inskrywings vir 'n span van vier beloop N$400 en roetes sal met die aanvang van die pretdag bekend gemaak word. Mense word aangemoedig om 'n inskrywingsvorm te voltooi wat by al sy banktakke in Windhoek of by www.bankwindhoek.com.na beskikbaar is. Die sluitingsdatum vir inskrywings is Vrydag 10 November.
Kommentaar
Republikein
Geen kommentaar is op hierdie artikel gelaat nie