Private kragopwekking kry wind van voor in parlement
Philda Essop
Natasha Mazzone, DA-hoofsweep, het dalk Dinsdag die wind sterk van voor gekry oor aspekte van haar private wetsontwerp om goedkoper elektrisiteit te verseker, maar dit het haar nie afgeskrik om haar steeds sterk daarvoor uit te spreek nie.
Sy het die Wetsontwerp op die Onafhanklike Elektrisiteitsbestuursoperateur (IEMO) – 'n private lede-wetsontwerp wat daarop gemik is om goedkoper elektrisiteit te verskaf – aan die parlementêre portefeuljekomitee oor minerale en energie voorgehou.
Mazzone het verduidelik dat die wetsontwerp daarop gemik is om Eskom se monopolie te verbreek wat betref die opwekking van elektrisiteit.
Ingevolge daarvan moet 'n private maatskappy, die Onafhanklike Elektrisiteitsbestuursoperateur (IEMO), tot stand gebring word.
Dit sal nie 'n staatsentiteit wees nie, maar “ook nie 'n gewone private maatskappy” nie. Aandeelhouding in die maatskappy sal beperk wees – die staat mag nie aandele daarin besit nie. Dit sal funksioneer as 'n openbare-private-vennootskap – soos die Reserwebank.
'n Direksie van tien direkteure sal die maatskappy bestuur, waarvan vyf deur die minister van minerale bronne en energie en vyf deur die aandeelhouers aangestel sal word.
“IEMO sal help om die mark vir die opwekking van elektrisiteit vir ander rolspelers oop te maak. Onafhanklike kragprodusente sal die geleentheid gegee word om dieselfde toegang tot die elektrisiteitsmark te hê as Eskom. Die onafhanklike kragprodusente sal self die risiko neem vir die opwekking van elektrisiteit en IEMO sal slegs betaal vir elektrisiteit wat gelewer word en vir die stabiliteit wat verskaffing betref.”
Die funksies van die onafhanklike operateur sal volgens Mazzone onder meer die bestuur van die elektrisiteitsnetwerk behels. Dit sal ook as 'n handelaar optree in pas met regeringsbeleid, deelneem aan die beplanning vir kragverskaffing; die instandhouding van die kragnetwerk, en doeltreffende kragverspreiding verseker.
Verskeie LP's, insluitende Mikateko Mahlaule, ANC-LP, het die feit dat die IEMO 'n private maatskappy sal wees, as “problematies” bestempel. Hy het daarop gewys dat die wetsontwerp 'n “private maatskappy skep om 'n openbare funksie” te verrig.
“Openbare funksies kan nie uitgevoer word deur 'n private maatskappy nie omdat dit 'n funksie van die staat is,” het hy aangevoer.
Mazzone het gesê dat mededinging is noodsaaklik is in 'n groeiende ekonomie en Eskom het klaaglik in sy taak misluk. – Netwerk24
Natasha Mazzone, DA-hoofsweep, het dalk Dinsdag die wind sterk van voor gekry oor aspekte van haar private wetsontwerp om goedkoper elektrisiteit te verseker, maar dit het haar nie afgeskrik om haar steeds sterk daarvoor uit te spreek nie.
Sy het die Wetsontwerp op die Onafhanklike Elektrisiteitsbestuursoperateur (IEMO) – 'n private lede-wetsontwerp wat daarop gemik is om goedkoper elektrisiteit te verskaf – aan die parlementêre portefeuljekomitee oor minerale en energie voorgehou.
Mazzone het verduidelik dat die wetsontwerp daarop gemik is om Eskom se monopolie te verbreek wat betref die opwekking van elektrisiteit.
Ingevolge daarvan moet 'n private maatskappy, die Onafhanklike Elektrisiteitsbestuursoperateur (IEMO), tot stand gebring word.
Dit sal nie 'n staatsentiteit wees nie, maar “ook nie 'n gewone private maatskappy” nie. Aandeelhouding in die maatskappy sal beperk wees – die staat mag nie aandele daarin besit nie. Dit sal funksioneer as 'n openbare-private-vennootskap – soos die Reserwebank.
'n Direksie van tien direkteure sal die maatskappy bestuur, waarvan vyf deur die minister van minerale bronne en energie en vyf deur die aandeelhouers aangestel sal word.
“IEMO sal help om die mark vir die opwekking van elektrisiteit vir ander rolspelers oop te maak. Onafhanklike kragprodusente sal die geleentheid gegee word om dieselfde toegang tot die elektrisiteitsmark te hê as Eskom. Die onafhanklike kragprodusente sal self die risiko neem vir die opwekking van elektrisiteit en IEMO sal slegs betaal vir elektrisiteit wat gelewer word en vir die stabiliteit wat verskaffing betref.”
Die funksies van die onafhanklike operateur sal volgens Mazzone onder meer die bestuur van die elektrisiteitsnetwerk behels. Dit sal ook as 'n handelaar optree in pas met regeringsbeleid, deelneem aan die beplanning vir kragverskaffing; die instandhouding van die kragnetwerk, en doeltreffende kragverspreiding verseker.
Verskeie LP's, insluitende Mikateko Mahlaule, ANC-LP, het die feit dat die IEMO 'n private maatskappy sal wees, as “problematies” bestempel. Hy het daarop gewys dat die wetsontwerp 'n “private maatskappy skep om 'n openbare funksie” te verrig.
“Openbare funksies kan nie uitgevoer word deur 'n private maatskappy nie omdat dit 'n funksie van die staat is,” het hy aangevoer.
Mazzone het gesê dat mededinging is noodsaaklik is in 'n groeiende ekonomie en Eskom het klaaglik in sy taak misluk. – Netwerk24
Kommentaar
Republikein
Geen kommentaar is op hierdie artikel gelaat nie