Probeer bly die beste geweer

Wouter Cronje van Secunda in Suid-Afrika skryf:

Wil net reageer op Minette Brink se "Sê maar net"-bydrae oor die vermoë om te kan braai.

Ek het die stukkie terdeë geniet, en die beelde van die baie vrouens wat ek ken (en mans) wat nie kan braai nie, het so voor my oë afgespeel. Ek kan ''n vrou nog vergewe as sy nie kan braai nie, alhoewel ek baie vrouens ken wat wel kan, maar ''n man wat nie kan braai nie, krap my sommer erg om.

Hou aan, Minette. Om te leer braai, is deel van die pret.