Probeer hou perspektief deur die vreemde tye
Tragedie + Tyd = Komedie
Neem ’n oomblik om hieroor na te dink, as jy dit nog nie tevore gehoor of gedoen het nie.
Dié aanhaling word onder andere toegedig aan Mark Twain (1835-1910). Volgens sy Wiki-beskrywing word hy geroem as die grootste van Amerika se humoriste in die geskiedenis.
Kliek jy dan op die skakel om te sien wat ’n humoris is, sien jy presies dieselfde foto van dié besnorde gryskop-omie met die welige wenkbroue.
’n Humoris, sê Wikipedia, is ’n intellektueel wat humor in skrywe of as openbare spreker gebruik, maar is ’n kunstenaar wat mense nie bloot wil laat lag nie en word onderskei van ’n komediant, wat vir “show business” vermaak en sy/haar geld verdien deur gehore aan die lag te kry. “Dit is moontlik om gedurende die verloop van ’n loopbaan beide rolle te vervul.”
Tot 110 jaar en langer gelede was die man gebore as Samuel Clemens (onder sy skryfnaam, Mark Twain) dus die Trevor Noah, Steven Colbert, Bill Burr en Dave Chappelle van sy era. Een van daai skerpsinnige mense met die gawe om in die nuus van die dag die absurde komedie en die versteekte ongemaklike waarhede raak te sien en met immergroen wyshede te verwoord.
Pittig, soos ’n mielie.
Maar ek dwaal af.
Het jy al die waarheid van die wiskundige formule ondervind, dat Tragedie + Tyd = Komedie?
Dit spreek van die menslike vermoë om met die verloop van tyd te kan lag, of minstens glimlag, oor selfs die mees persoonlike terugslae en tragedies.
Die coronavirus is soos klitsgras in ’n wolkombers. Waar hy vat kry, los hy nie ligtelik nie. Dié waarneming geld eerstens vir die individu, want al bestee die virus statisties gesproke net 1% of 2% of 0,6% van sy tyd hand-aan-hand met die Grim Reaper, is die getuienis van menige oorlewendes dat die siektetoestand nie speletjies is nie. Selfs fikse atlete is al tot in die diep water en tot naby die rand van die afgrond gesleep.
Andersyds geld die klitsgras-vergelyking ook vir elke gemeenskap, klein of groot. Selfs op afgesonderde plekke en gedissiplineerde samelewings soos Nieu-Seeland waar corona se keel toegedruk was om die nuwe gevalle tot by nul af te ding, was dit toe net ’n kwessie van tyd voordat die nare gedierte se afgekapte kop weer teruggegroei het.
Een van my ooms in Suid-Afrika is eergister begrawe, ná twee jaar van lyding as nagevolg van ’n beroerte wat hom bedlêend en vir lang tye in ’n koma gelaat het.
Die groot C het sover ek weet geen rol in sy afsterwe gespeel nie, maar was wel die rede waarom familie van ver weens geslote landsgrense of beperkings op byeenkomste nie daar kon wees om afskeid te neem nie.
Die vorige dag het ek dus die vreemde ervaring gehad dat familie en kennisse op hul selfone die skakel ontvang het na die aanlyn ontmoeting waar ons die volgende dag se begrafnisdiens in Centurion regstreeks kon meemaak.
Tydens inperkings is die bywoning van troues, begrafnisse en ander vergaderings op jou selfoon natuurlik lank nie meer ongekend nie. As daar een bedryf is wat tans floreer, is dit sulke aanlyn platforms.
Eendag sal ons dalk met heimweë na 2020 verwys as die goeie ou dae.
Tot dan, hou maar die masker op en doen só jou deel om die trefhoue op ons ekonomie af te weer.
Neem ’n oomblik om hieroor na te dink, as jy dit nog nie tevore gehoor of gedoen het nie.
Dié aanhaling word onder andere toegedig aan Mark Twain (1835-1910). Volgens sy Wiki-beskrywing word hy geroem as die grootste van Amerika se humoriste in die geskiedenis.
Kliek jy dan op die skakel om te sien wat ’n humoris is, sien jy presies dieselfde foto van dié besnorde gryskop-omie met die welige wenkbroue.
’n Humoris, sê Wikipedia, is ’n intellektueel wat humor in skrywe of as openbare spreker gebruik, maar is ’n kunstenaar wat mense nie bloot wil laat lag nie en word onderskei van ’n komediant, wat vir “show business” vermaak en sy/haar geld verdien deur gehore aan die lag te kry. “Dit is moontlik om gedurende die verloop van ’n loopbaan beide rolle te vervul.”
Tot 110 jaar en langer gelede was die man gebore as Samuel Clemens (onder sy skryfnaam, Mark Twain) dus die Trevor Noah, Steven Colbert, Bill Burr en Dave Chappelle van sy era. Een van daai skerpsinnige mense met die gawe om in die nuus van die dag die absurde komedie en die versteekte ongemaklike waarhede raak te sien en met immergroen wyshede te verwoord.
Pittig, soos ’n mielie.
Maar ek dwaal af.
Het jy al die waarheid van die wiskundige formule ondervind, dat Tragedie + Tyd = Komedie?
Dit spreek van die menslike vermoë om met die verloop van tyd te kan lag, of minstens glimlag, oor selfs die mees persoonlike terugslae en tragedies.
Die coronavirus is soos klitsgras in ’n wolkombers. Waar hy vat kry, los hy nie ligtelik nie. Dié waarneming geld eerstens vir die individu, want al bestee die virus statisties gesproke net 1% of 2% of 0,6% van sy tyd hand-aan-hand met die Grim Reaper, is die getuienis van menige oorlewendes dat die siektetoestand nie speletjies is nie. Selfs fikse atlete is al tot in die diep water en tot naby die rand van die afgrond gesleep.
Andersyds geld die klitsgras-vergelyking ook vir elke gemeenskap, klein of groot. Selfs op afgesonderde plekke en gedissiplineerde samelewings soos Nieu-Seeland waar corona se keel toegedruk was om die nuwe gevalle tot by nul af te ding, was dit toe net ’n kwessie van tyd voordat die nare gedierte se afgekapte kop weer teruggegroei het.
Een van my ooms in Suid-Afrika is eergister begrawe, ná twee jaar van lyding as nagevolg van ’n beroerte wat hom bedlêend en vir lang tye in ’n koma gelaat het.
Die groot C het sover ek weet geen rol in sy afsterwe gespeel nie, maar was wel die rede waarom familie van ver weens geslote landsgrense of beperkings op byeenkomste nie daar kon wees om afskeid te neem nie.
Die vorige dag het ek dus die vreemde ervaring gehad dat familie en kennisse op hul selfone die skakel ontvang het na die aanlyn ontmoeting waar ons die volgende dag se begrafnisdiens in Centurion regstreeks kon meemaak.
Tydens inperkings is die bywoning van troues, begrafnisse en ander vergaderings op jou selfoon natuurlik lank nie meer ongekend nie. As daar een bedryf is wat tans floreer, is dit sulke aanlyn platforms.
Eendag sal ons dalk met heimweë na 2020 verwys as die goeie ou dae.
Tot dan, hou maar die masker op en doen só jou deel om die trefhoue op ons ekonomie af te weer.
Kommentaar
Republikein
Geen kommentaar is op hierdie artikel gelaat nie