Rand sak terug toe dollar kop optel
Elvira Wood
Die rand se vreugde was van korte duur omdat Theresa May, die Britse premier, ’n mosie van wantroue in haar leierskap oorleef het.
Waar die rand Donderdag teen R14,04 teenoor die dollar begin verhandel het, het hy vinnig weer tot R14,23 teruggesak.
Vroeg Vrydagoggend verhandel hy teen R14,23 teenoor sy Amerikaanse eweknie.
Reuters berig dit is alles te danke aan die dollar wat sedert Donderdag veral weer teenoor die Britse pond en die euro verstewig het.
Beleggers se fokus het vir eers geskuif van die drama tussen Brittanje en die Europese Unie oor Brexit, na die Federale Reserweraad (Fed) se besluit oor rentekoerse.
Die Fed vergader op 18 en 19 Desember om die laaste keer vanjaar oor rentekoerse te besin.
Hoewel die verwagting is dat die Fed rentekoerse met 25 basispunte gaan verhoog, is daar tog onsekerheid oor met presies hoeveel.
“Daar is baie verskillende menings in die mark oor wat die Fed in 2019 met rentekoerse gaan doen. Hulle voorspel enigiets van een tot vier verhogings,” sê Michael McCarthy, hoofmarkstrateeg by CMC Markets in Londen, Brittanje.
McCarthy sê markte sal kyk of die Fed enigsins sy oorsig van groei en inflasie verander.
Hy sê die dollar sal waarskynlik teenoor veral die euro en jen verstewig as dit lyk asof die vooruitsig vir die Amerikaanse ekonomie positief is.
Die rand verhandel vroeg Vrydagoggend teen R17,98 teenoor die Britse pond en R16,17 teenoor die euro.
Met hulpbronne staan sake soos volg:
· Goud: US$1 241 per fynons
· Platinum: US$796 per ons
· Olie: US$61,13 per vat
Digitale geld
· Bitcoin: US$3 251,45
· Ethereum: US$85,37 – Netwerk24
Die rand se vreugde was van korte duur omdat Theresa May, die Britse premier, ’n mosie van wantroue in haar leierskap oorleef het.
Waar die rand Donderdag teen R14,04 teenoor die dollar begin verhandel het, het hy vinnig weer tot R14,23 teruggesak.
Vroeg Vrydagoggend verhandel hy teen R14,23 teenoor sy Amerikaanse eweknie.
Reuters berig dit is alles te danke aan die dollar wat sedert Donderdag veral weer teenoor die Britse pond en die euro verstewig het.
Beleggers se fokus het vir eers geskuif van die drama tussen Brittanje en die Europese Unie oor Brexit, na die Federale Reserweraad (Fed) se besluit oor rentekoerse.
Die Fed vergader op 18 en 19 Desember om die laaste keer vanjaar oor rentekoerse te besin.
Hoewel die verwagting is dat die Fed rentekoerse met 25 basispunte gaan verhoog, is daar tog onsekerheid oor met presies hoeveel.
“Daar is baie verskillende menings in die mark oor wat die Fed in 2019 met rentekoerse gaan doen. Hulle voorspel enigiets van een tot vier verhogings,” sê Michael McCarthy, hoofmarkstrateeg by CMC Markets in Londen, Brittanje.
McCarthy sê markte sal kyk of die Fed enigsins sy oorsig van groei en inflasie verander.
Hy sê die dollar sal waarskynlik teenoor veral die euro en jen verstewig as dit lyk asof die vooruitsig vir die Amerikaanse ekonomie positief is.
Die rand verhandel vroeg Vrydagoggend teen R17,98 teenoor die Britse pond en R16,17 teenoor die euro.
Met hulpbronne staan sake soos volg:
· Goud: US$1 241 per fynons
· Platinum: US$796 per ons
· Olie: US$61,13 per vat
Digitale geld
· Bitcoin: US$3 251,45
· Ethereum: US$85,37 – Netwerk24
Kommentaar
Republikein
Geen kommentaar is op hierdie artikel gelaat nie