Rand wéér slaansak van politieke onsekerheid
’n Uur nadat die nasionale vervolgingsgesag met sy mediakonferensie begin het waarin aangekondig is dat ’n lasbrief uitgereik is vir Pravin Gordhan, minister van finansies, om in die hof te verskyn, het die rand reeds met 44c of meer as 3% verswak.
Die rand het van Maandagaand se sluiting van R13,80 tot R14,25 verswak.
Bloomberg berig dit is die skerpste daling in meer as drie maande.
Ook Suid-Afrikaanse staatseffekte het gereageer en die opbrengskoers op staatseffekte met ’n looptyd tot 2016 het met 23 basispunte tot 8,93% gestyg.
“Dit maak ons ernstig bekommerd en beleggers gaan nie goed hierop reageer nie,” sê Jana van Deventer, ’n ontleder van ETM Analytics in Johannesburg.
“Dit herinner beleggers aan die politieke onstabiliteit wat in Suid-Afrika heers, veral wat met nasionale tesourie verband hou.” Net voor 16:00 was die rand al 46c of 3,3% swakker vir die dag op R14,27.
“Dit het die mark verras en dit maak duidelik ons plaaslike finansiële mark bekommerd, soos in die rand se reaksie weerspieël word,” sê John Cairns, valutastrateeg van RMBCairns.
Die rand het volgens hom laas so ’n skerp reaksie getoon met die Amerikaanse werksyfers wat vroeg in September uitgereik is.
Of die rand verder gaan verswak, sê hy “daar word nou gewag” om te sien wat volgende kom.
“My eerste indruk is dat die rand nie genoeg die risiko inprys dat Gordhan gedwing gaan word om sy pos te verlaat nie.”
Cairns sê indien Gordhan sy pos moet verlaat, gaan die reaksie van die rand baie groter wees.
Bankaandele het gisteroggend dadelik en skerp gereageer op die moontlikheid dat ’n afgradering van Suid-Afrika se staatskuld nou ’n groter werklikheid kan word.
Izak Odendaal, beleggingstrateeg van Old Mutual Welvaart, sê bankaandele het erg gedaal omdat daar hernude vraagtekens oor Suid-Afrika se kredietgradering bestaan.
“Banke reflekteer beslis die verwagtinge van ’n moontlike afgradering.”
Sharenet toon dat die indeks van bankaandele, sedert die Nasionale Vervolgingsgesag se mediakonferensie begin het waarin meer inligting verskaf is oor Gordhan se lasbrief om in die hof te verskyn, in die uur tot net na 11:00 met 5% gedaal het.
Odendaal het gesê banke is tipies sensitief vir rentekoersverwagtinge en vir graderingsbesluite omdat hulle geld uitleen.
Hy meen die graderingsagentskappe het nie tans genoeg inligting om vroeër te reageer nie. “Ek dink hulle probeer soos ons verstaan wat aan die gang is.”
Odendaal sê ook dit is te vroeg om die implikasies te verstaan. “Maar dit veroorsaak onsekerheid en die markte hou nie van onsekerheid nie.”
- Netwerk24
Die rand het van Maandagaand se sluiting van R13,80 tot R14,25 verswak.
Bloomberg berig dit is die skerpste daling in meer as drie maande.
Ook Suid-Afrikaanse staatseffekte het gereageer en die opbrengskoers op staatseffekte met ’n looptyd tot 2016 het met 23 basispunte tot 8,93% gestyg.
“Dit maak ons ernstig bekommerd en beleggers gaan nie goed hierop reageer nie,” sê Jana van Deventer, ’n ontleder van ETM Analytics in Johannesburg.
“Dit herinner beleggers aan die politieke onstabiliteit wat in Suid-Afrika heers, veral wat met nasionale tesourie verband hou.” Net voor 16:00 was die rand al 46c of 3,3% swakker vir die dag op R14,27.
“Dit het die mark verras en dit maak duidelik ons plaaslike finansiële mark bekommerd, soos in die rand se reaksie weerspieël word,” sê John Cairns, valutastrateeg van RMBCairns.
Die rand het volgens hom laas so ’n skerp reaksie getoon met die Amerikaanse werksyfers wat vroeg in September uitgereik is.
Of die rand verder gaan verswak, sê hy “daar word nou gewag” om te sien wat volgende kom.
“My eerste indruk is dat die rand nie genoeg die risiko inprys dat Gordhan gedwing gaan word om sy pos te verlaat nie.”
Cairns sê indien Gordhan sy pos moet verlaat, gaan die reaksie van die rand baie groter wees.
Bankaandele het gisteroggend dadelik en skerp gereageer op die moontlikheid dat ’n afgradering van Suid-Afrika se staatskuld nou ’n groter werklikheid kan word.
Izak Odendaal, beleggingstrateeg van Old Mutual Welvaart, sê bankaandele het erg gedaal omdat daar hernude vraagtekens oor Suid-Afrika se kredietgradering bestaan.
“Banke reflekteer beslis die verwagtinge van ’n moontlike afgradering.”
Sharenet toon dat die indeks van bankaandele, sedert die Nasionale Vervolgingsgesag se mediakonferensie begin het waarin meer inligting verskaf is oor Gordhan se lasbrief om in die hof te verskyn, in die uur tot net na 11:00 met 5% gedaal het.
Odendaal het gesê banke is tipies sensitief vir rentekoersverwagtinge en vir graderingsbesluite omdat hulle geld uitleen.
Hy meen die graderingsagentskappe het nie tans genoeg inligting om vroeër te reageer nie. “Ek dink hulle probeer soos ons verstaan wat aan die gang is.”
Odendaal sê ook dit is te vroeg om die implikasies te verstaan. “Maar dit veroorsaak onsekerheid en die markte hou nie van onsekerheid nie.”
- Netwerk24
Kommentaar
Republikein
Geen kommentaar is op hierdie artikel gelaat nie