Regering wil inligting deel
’n Beleid vir kommunikasie en sosiale media is deel van die regering se toewyding aan deursigtigheid.
Augetto Graig - Mnr. Tjekero Tweya, minister van inligting en kommunikasietegnologie (ICT), het verlede Donderdag sy nuwe wetsontwerp op toegang tot inligting aan die kabinet voorgelê.
Die kabinet het dié wetgewing vroeër vandeesmaand in beginsel goedgekeur.
Een belangrike aspek wat die nuwe wet sal hanteer, is die stygende koste van data en ander kommunikasiedienste.
“Die wet op toegang tot inligting sal nie tariewe voorskryf nie, maar sal wel riglyne gee om te verseker koste word nie gebruik om toegang te verhinder nie,” het Tweya gesê.
Internetkoste sal volgens die minister ook gereguleer word.
“Die wetsontwerp is reeds deur ’n konsultasieproses. Nou is die konsepdokument in allemanstaal goedgekeur. Die tweede fase is dat dit deur die tegniese komitee bespreek word en daarna gaan dit na die opstellers voor dit na die prokureur-generaal gaan om te verklaar dat dit nie met bestaande wette of die Grondwet bots nie,” het hy gesê.
Volgens Tweya raak inligting almal in die samelewing.
“Nie net dié wat inligting versprei nie, maar ook dié wat die inligting moet verwerk, moet ’n sê hê," het hy gesê.
Volgens die minister gaan die nuwe wetsontwerp teen kubermisdaad tans deur dieselfde proses, sê hy.
Ná Tweya dit eers teruggetrek het, was dit onder bespreking tot 16 Junie. Die publiek en die media het die geleentheid gehad om insette te lewer, aangesien die wetsontwerp op die ministerie se webwerf beskikbaar is. In die geval van ’n tekort aan insette sal die minister volstaan by die gegewe insette.
“Die president is toegewy aan aanspreeklikheid en deursigtigheid,” het Tweya gesê.
Hy het onlangs ’n regeringsbeleid oor die staat se gebruik van sosiale media en algemene kommunikasie voorgestel. “Besluite word geneem, maar die mense wat daardeur geraak word, weet nie eers daarvan nie,” het die minister gesê.
Woordvoerders van die regering se ministeries, kantore en agentskappe, sowel as dié van plaaslike owerhede het tans die geleentheid om die media en die publiek op hoogte van sake te bring, het hy gesê.
“Hierdie is ’n poging om deursigtigheid van die regering te ondersteun - van sentrale tot op plaaslike owerheidsvlak.
Volgens die kommunikasieplan word amptenare verplig om te kommunikeer ter wille van deursigtigheid en goeie bestuur.
"Nou kry julle al die inligting,” het Tweya aan die media gesê.
Een van die veranderinge behels ook dat woordvoerders moet verseker alle regeringswebwerwe is op datum.
Volgens die minister kan die publiek sy ministerie kontak as hulle op amptelike webwerwe afkom met verouderde of verkeerde inligting.
Die kabinet het dié wetgewing vroeër vandeesmaand in beginsel goedgekeur.
Een belangrike aspek wat die nuwe wet sal hanteer, is die stygende koste van data en ander kommunikasiedienste.
“Die wet op toegang tot inligting sal nie tariewe voorskryf nie, maar sal wel riglyne gee om te verseker koste word nie gebruik om toegang te verhinder nie,” het Tweya gesê.
Internetkoste sal volgens die minister ook gereguleer word.
“Die wetsontwerp is reeds deur ’n konsultasieproses. Nou is die konsepdokument in allemanstaal goedgekeur. Die tweede fase is dat dit deur die tegniese komitee bespreek word en daarna gaan dit na die opstellers voor dit na die prokureur-generaal gaan om te verklaar dat dit nie met bestaande wette of die Grondwet bots nie,” het hy gesê.
Volgens Tweya raak inligting almal in die samelewing.
“Nie net dié wat inligting versprei nie, maar ook dié wat die inligting moet verwerk, moet ’n sê hê," het hy gesê.
Volgens die minister gaan die nuwe wetsontwerp teen kubermisdaad tans deur dieselfde proses, sê hy.
Ná Tweya dit eers teruggetrek het, was dit onder bespreking tot 16 Junie. Die publiek en die media het die geleentheid gehad om insette te lewer, aangesien die wetsontwerp op die ministerie se webwerf beskikbaar is. In die geval van ’n tekort aan insette sal die minister volstaan by die gegewe insette.
“Die president is toegewy aan aanspreeklikheid en deursigtigheid,” het Tweya gesê.
Hy het onlangs ’n regeringsbeleid oor die staat se gebruik van sosiale media en algemene kommunikasie voorgestel. “Besluite word geneem, maar die mense wat daardeur geraak word, weet nie eers daarvan nie,” het die minister gesê.
Woordvoerders van die regering se ministeries, kantore en agentskappe, sowel as dié van plaaslike owerhede het tans die geleentheid om die media en die publiek op hoogte van sake te bring, het hy gesê.
“Hierdie is ’n poging om deursigtigheid van die regering te ondersteun - van sentrale tot op plaaslike owerheidsvlak.
Volgens die kommunikasieplan word amptenare verplig om te kommunikeer ter wille van deursigtigheid en goeie bestuur.
"Nou kry julle al die inligting,” het Tweya aan die media gesê.
Een van die veranderinge behels ook dat woordvoerders moet verseker alle regeringswebwerwe is op datum.
Volgens die minister kan die publiek sy ministerie kontak as hulle op amptelike webwerwe afkom met verouderde of verkeerde inligting.
Kommentaar
Republikein
Geen kommentaar is op hierdie artikel gelaat nie