Reën kan vandeesweek al verligting bring
Ontledings van satellietdata wys Namibië kan vandeesweek reën verwag.
Elvira Hattingh
Hoewel nie die hele land in die komende week na verwagting beduidende reën sal ontvang nie, meen kenners reën is tog op pad.
Dit kan moontlik veral vir die Suide “redelike verligting” bring.
Die nieregeringsorganisasie LandWater, wat satellietfoto's wetenskaplik ontleed en interpreteer, sê vandeesweek behoort bewys te lewer dat die reënseisoen nog nie verby is nie.
Tog bly dit 'n uiters moeilike seisoen, sê die organisasie.
LandWater sê weertoeps dui nog nie op noemenswaardige reënneerslae nie, “maar intussen gaan dit elke dag op 'n paar plekke hierdie week waarskynlik mooi reën”.
Hulle sê dít beteken nie dit gaan in groot volumes reën nie, “maar beduidend genoeg om 'n verskil te maak”.
REËN BEGIN NOORD
'n Datawetenskaplike ontleding van die weer oor Suider-Afrika toon glo “redelike reën” kan oor verskillende gebiede in die boonste helfte van Namibië verwag word, met 'n weswaartse neiging.
Volgens 'n inskrywing op die organisasie se Facebook-blad kan die ooste van Namibië steeds “guerrilla-aksie ervaar” wat reën betref, hoewel toestande in dié omgewing waarskynlik uitdagend sal bly.
Dít tensy “werklike goeie invloei van vog inskop, met gepaardgaande stabiliteit in die bolug”.
LandWater meen die Ooste se weer sal vandeesweek mettertyd vorder.
Hulle sê 'n weerstelsel sal Namibië van vandag af dieper indring, maar sal waarskynlik eers teen Vrydag 'n redelike houvas oor die onderste helfte van Namibië begin kry.
“Ongelukkig in smaller stroke, maar hoop is en bly goed.”
Teen Donderdag sal die weerstelsel se intensiteit in die boonste deel van die land begin toeneem, met 'n “opwen” na Vrydag.
Saterdag en Sondag sal redelik belangrik vir die Suide wees.
Maandag begin die stelsel weer boontoe werk.
Dan kan diegene aan die boonste oostekant van die stelsel glo tot Dinsdag en Woensdag hierby baat.
LandWater verwag die stelsel kan teen volgende week Woensdag of Donderdag opklaar, maar die eintlike datum hiervan sal deur die vloei van vog en veral drukbalanse bepaal word.
“Die goeie nuus is 'n reënstelsel kan hierná weer op pad wees . . . Natuurlik kan dié verwagting verkeerd wees, want die weer bly maar wispelturig. Daar is wel 'n kans dat baie hiervan kan gebeur, en elke druppel maak saak,” sê LandWater.
WEERTOEPS 'SWYG' NOG
Die reënstelsel is glo al van verlede week af duidelik sigbaar en selfs so ver as twee weke gelede, toe weerverskuiwings vanweë die tropiese sikloon Idai voorgekom het.
LandWater sê dit is ingewikkeld om hierdie verskuiwings te verduidelik, en dit gaan nie oor die mite dat die stelsel vog gesteel het nie, maar eerder daaroor dat Idai simptomaties was en in 'n mate tot die vertraging van die reënsiklus bygedra het.
“'n Mens moet weet waarvoor om te kyk om 'n legkaart te kan bou. Deel van hierdie legkaart is dat dit nié in middel-Maart gereën het soos dit kon en eintlik moes nie.”
Volgens LandWater is siklusse wat oorgeslaan word in droogtetoestande 'n “klassieke scenario”.
SÓ WERK WEERVOORSPELLINGS
LandWater het verduidelik reëntotale op weertoeps weerspieël slegs die “wetenskaplik aanvaarbare sekerheid van reën”.
Dit wil sê die somtotaal wys reën slegs indien genoeg sekerheid binne die algoritme daaroor bestaan.
LandWater sê vanweë die feit dat Namibië tydens die somer-tot-herfsreën tot donderstorms neig, bestaan 'n groter mate van onsekerheid, wat die oënskynlike somtotaal en dus weervoorspellings negatief raak.
Dit is ook waarom daar dikwels 'n verskil is tussen wat weermodelle toon en dit wat in werklikheid op die grond uitsak.
Donderstorms kan dus onsekerhede binne modellering veroorsaak, afhangende van 'n rits faktore.
LandWater sê derhalwe is die reënvoetspoor of die verwagte dekking dikwels belangriker.
Volgens hulle begin volume eers saak maak wanneer mens jouself in dié voetspoor bevind.
“Moenie druppels tel voor dit nie klaar geval het nie.”
VERBAND MET NAMIBIË
“Namibië is 'n geweldige moeilike land om reënvoorspellings reg te kry wat somtotale betref. Die gevolg is 'n mens raak maklik mismoedig as 'n voorspelling voortdurend nie te belowend lyk nie – wat meestal die geval is.”
Die organisasie sê in droogtetye is voorspellings van swakker kanse op reën wel realisties, “want dit gaan regtig moeilik reën”.
Hoewel nie die hele land in die komende week na verwagting beduidende reën sal ontvang nie, meen kenners reën is tog op pad.
Dit kan moontlik veral vir die Suide “redelike verligting” bring.
Die nieregeringsorganisasie LandWater, wat satellietfoto's wetenskaplik ontleed en interpreteer, sê vandeesweek behoort bewys te lewer dat die reënseisoen nog nie verby is nie.
Tog bly dit 'n uiters moeilike seisoen, sê die organisasie.
LandWater sê weertoeps dui nog nie op noemenswaardige reënneerslae nie, “maar intussen gaan dit elke dag op 'n paar plekke hierdie week waarskynlik mooi reën”.
Hulle sê dít beteken nie dit gaan in groot volumes reën nie, “maar beduidend genoeg om 'n verskil te maak”.
REËN BEGIN NOORD
'n Datawetenskaplike ontleding van die weer oor Suider-Afrika toon glo “redelike reën” kan oor verskillende gebiede in die boonste helfte van Namibië verwag word, met 'n weswaartse neiging.
Volgens 'n inskrywing op die organisasie se Facebook-blad kan die ooste van Namibië steeds “guerrilla-aksie ervaar” wat reën betref, hoewel toestande in dié omgewing waarskynlik uitdagend sal bly.
Dít tensy “werklike goeie invloei van vog inskop, met gepaardgaande stabiliteit in die bolug”.
LandWater meen die Ooste se weer sal vandeesweek mettertyd vorder.
Hulle sê 'n weerstelsel sal Namibië van vandag af dieper indring, maar sal waarskynlik eers teen Vrydag 'n redelike houvas oor die onderste helfte van Namibië begin kry.
“Ongelukkig in smaller stroke, maar hoop is en bly goed.”
Teen Donderdag sal die weerstelsel se intensiteit in die boonste deel van die land begin toeneem, met 'n “opwen” na Vrydag.
Saterdag en Sondag sal redelik belangrik vir die Suide wees.
Maandag begin die stelsel weer boontoe werk.
Dan kan diegene aan die boonste oostekant van die stelsel glo tot Dinsdag en Woensdag hierby baat.
LandWater verwag die stelsel kan teen volgende week Woensdag of Donderdag opklaar, maar die eintlike datum hiervan sal deur die vloei van vog en veral drukbalanse bepaal word.
“Die goeie nuus is 'n reënstelsel kan hierná weer op pad wees . . . Natuurlik kan dié verwagting verkeerd wees, want die weer bly maar wispelturig. Daar is wel 'n kans dat baie hiervan kan gebeur, en elke druppel maak saak,” sê LandWater.
WEERTOEPS 'SWYG' NOG
Die reënstelsel is glo al van verlede week af duidelik sigbaar en selfs so ver as twee weke gelede, toe weerverskuiwings vanweë die tropiese sikloon Idai voorgekom het.
LandWater sê dit is ingewikkeld om hierdie verskuiwings te verduidelik, en dit gaan nie oor die mite dat die stelsel vog gesteel het nie, maar eerder daaroor dat Idai simptomaties was en in 'n mate tot die vertraging van die reënsiklus bygedra het.
“'n Mens moet weet waarvoor om te kyk om 'n legkaart te kan bou. Deel van hierdie legkaart is dat dit nié in middel-Maart gereën het soos dit kon en eintlik moes nie.”
Volgens LandWater is siklusse wat oorgeslaan word in droogtetoestande 'n “klassieke scenario”.
SÓ WERK WEERVOORSPELLINGS
LandWater het verduidelik reëntotale op weertoeps weerspieël slegs die “wetenskaplik aanvaarbare sekerheid van reën”.
Dit wil sê die somtotaal wys reën slegs indien genoeg sekerheid binne die algoritme daaroor bestaan.
LandWater sê vanweë die feit dat Namibië tydens die somer-tot-herfsreën tot donderstorms neig, bestaan 'n groter mate van onsekerheid, wat die oënskynlike somtotaal en dus weervoorspellings negatief raak.
Dit is ook waarom daar dikwels 'n verskil is tussen wat weermodelle toon en dit wat in werklikheid op die grond uitsak.
Donderstorms kan dus onsekerhede binne modellering veroorsaak, afhangende van 'n rits faktore.
LandWater sê derhalwe is die reënvoetspoor of die verwagte dekking dikwels belangriker.
Volgens hulle begin volume eers saak maak wanneer mens jouself in dié voetspoor bevind.
“Moenie druppels tel voor dit nie klaar geval het nie.”
VERBAND MET NAMIBIË
“Namibië is 'n geweldige moeilike land om reënvoorspellings reg te kry wat somtotale betref. Die gevolg is 'n mens raak maklik mismoedig as 'n voorspelling voortdurend nie te belowend lyk nie – wat meestal die geval is.”
Die organisasie sê in droogtetye is voorspellings van swakker kanse op reën wel realisties, “want dit gaan regtig moeilik reën”.
Kommentaar
Republikein
Geen kommentaar is op hierdie artikel gelaat nie