Reënboogveters teen kanker

Tekkiedag, wat 'n week van nasionale kankerbewusmaking afskop, vind vanjaar op 2 Augustus plaas. Die bewus­makingsweek vind van 5 tot 9 Augustus plaas en vanjaar val die fokus op kinderkanker. Kleurvolle skoenveters kan teen N$30 gekoop word, asook Tekkiedag-plakkers teen N$20. Op die plakkers staan “Trek jou tekkies skool of werk toe aan op Vrydag 2 Augustus 2019”. Die opbrengste hiervan is ten bate van die Namibiese kankervereniging (CAN). Tekkie­dag word met 'n laventelkleurige lint vir bewusmaking van alle soorte kankers aangedui. Skoenveters en ­plakkers kan by CAN-kantore in Windhoek en op Swakopmund gekoop word. Me. Renay Coetzee kan vir grootmaataankope by (061) 237 740 gekontak word.