Roomhorinkies met sjokolade

Bestanddele:

· 2 pakke skilferkorsdeeg

· Bietjie botter om horinkies te smeer

· 1 eier, geklits

· Gesmelte sjokolade

· 250 ml vars room,

· 1 t vanieljegeursel en 1 e versiersuiker geklop tot stywe punte vorm

· Gekapte geglaseerde kersies

· Ekstra versiersuiker

Metode:

1. Rol die deeg op ’n meelbestrooide oppervlak uit en sny in repe van 1 cm breed.

2. Verf elke reep met geklitste eier en draai om metaalhorinkies. Vir kleiner horinkies kan dunner repe gesny word.

3. Plaas op ’n bakplaat wat met bakpapier uitgevoer is en verf weer met eier.

4. Bak in ’n voorverhitte oond teen 200°C vir 15-20 minute.

5. Haal uit die oond en laat heeltemal afkoel.

6. Verwyder die metaalhorinkies versigtig.

7. Smeer sjokolade om die rande en laat stol.

8. Spuit die roommengsel in die horinkies en rond af met kersies en versiersuiker.

Jy kan dit ook ’n soutvulsel gee van roomkaas, salm en dille. - Sydow Noordien en Fatima Sydow/Netwerk24