Rössing lewer 10% meer uraan
Die wêreldmark vir uraan word steeds deur ‘n ooraanbod gekniehalter en dié situasie gaan nie vinnig verander nie, sê Rio Tinto.
Jo-Maré Duddy – Rössing Uranium het in die eerste ses maande van vanjaar 2,235 miljoen pond uraanoksied gelewer, 211 000 pond of 10,4% meer as dieselfde halfjaar in 2016.
Hiervan was Rio Tinto, wat 68,62% in dié uraanmyn besit, op 1,523 miljoen pond geregtig. Die ander aandeelhouers is die Namibiese regering (3,38%), Iran Foreign Investment Company (15,29%) en Industrial Development Corporation of South Africa (10,22%).
Rio Tinto se uraanbelange bestaan uit Rössing en sy sowat 68%-aandeelhouding in Energy Resources of Australia. Produksie by laasgenoemde was 1,577 miljoen uraanoksied, sowat 3,3% minder as die eerste ses maande van 2016.
Rössing se beter produksie het Rio Tinto se uraansyfers vir die afgelope halfjaar egter ‘n hupstoot gegee. Rio Tinto se totale halfjaarproduksie was 3,111 miljoen uraanoksied, sowat 3% meer as dieselfde tydperk in 2016.
Rio Tinto se bruto inkomste uit sy uraanbedrywighede vir die ses maande tot einde Junie was US$193 miljoen, bykans 8,1% minder as die ooreenstemmende tyd in 2016. Afsonderlike syfers vir Rössing en Energy Resources word nie in die verslag aangedui nie.
Die maatskappy se ebitda (verdienste voor rente, belasting, waardevermindering en afskrywings) het met bykans 48% tot US$25 miljoen getuimel. Netto verdienste het met bykans 28% tot 13 Amerikaanse sent geval.
Rio Tinto sê die uraanprys het in die eerste helfte van 2017 laag gebly. Die mark word deur ‘n ooraanbod gekenmerk en dié situasie sal na verwagting vir “etlike jare” voortduur, sê die groep.
Rio Tinto verwag om in 2017 tussen 6,5 en 7,5 miljoen uraanoksied uit Rössing en Energy Resources te lewer.
Hiervan was Rio Tinto, wat 68,62% in dié uraanmyn besit, op 1,523 miljoen pond geregtig. Die ander aandeelhouers is die Namibiese regering (3,38%), Iran Foreign Investment Company (15,29%) en Industrial Development Corporation of South Africa (10,22%).
Rio Tinto se uraanbelange bestaan uit Rössing en sy sowat 68%-aandeelhouding in Energy Resources of Australia. Produksie by laasgenoemde was 1,577 miljoen uraanoksied, sowat 3,3% minder as die eerste ses maande van 2016.
Rössing se beter produksie het Rio Tinto se uraansyfers vir die afgelope halfjaar egter ‘n hupstoot gegee. Rio Tinto se totale halfjaarproduksie was 3,111 miljoen uraanoksied, sowat 3% meer as dieselfde tydperk in 2016.
Rio Tinto se bruto inkomste uit sy uraanbedrywighede vir die ses maande tot einde Junie was US$193 miljoen, bykans 8,1% minder as die ooreenstemmende tyd in 2016. Afsonderlike syfers vir Rössing en Energy Resources word nie in die verslag aangedui nie.
Die maatskappy se ebitda (verdienste voor rente, belasting, waardevermindering en afskrywings) het met bykans 48% tot US$25 miljoen getuimel. Netto verdienste het met bykans 28% tot 13 Amerikaanse sent geval.
Rio Tinto sê die uraanprys het in die eerste helfte van 2017 laag gebly. Die mark word deur ‘n ooraanbod gekenmerk en dié situasie sal na verwagting vir “etlike jare” voortduur, sê die groep.
Rio Tinto verwag om in 2017 tussen 6,5 en 7,5 miljoen uraanoksied uit Rössing en Energy Resources te lewer.
Kommentaar
Republikein
Geen kommentaar is op hierdie artikel gelaat nie