Ruk-en-rol by die see
Erwin Leuschner - Is rockmusiek jou kos?
Dan moet jy vinnig ‘n plan maak om by die kus te kom.
Swakopmund Rocks is ‘n opwindende toevoeging tot die Namibiese musiekkalender.
Dié musiekkonsert word môre by die Swakopmund Voetbalklub (SFC) gehou en mag nie misgeloop word nie.
Die Suid-Afrikaanse band Kirality is die hoofkunstenaars. Dié manne was al in Namibië en het vele aanhangers hier. Hulle beskryf hulself as “’n drieman-rockband wat hulde bring aan groot name in musiek wat die geskiedenis herskryf het. Daar is niks wat ons meer geniet as om energieke optredes te hou vir gehore wat reageer nie.”
Kirality bestaan uit die musikale talent van Craig Vee (kitaar en sang), Steph Nortje (tromme) en Warren Wazman (baskitaar en sang).
Maar dis nie al nie.
Drie Namibiese rockbands tree ook op. Eerste aan die beurt is Gasoline, wat geen bekendstelling nodig het nie. Gasoline is ‘n klassieke rock cover band wat al vir 20 jaar rock in Namibië aan die lewe hou. Talle plaaslike musikante van ander bands ken die lede goed aangesien baie van hulle in ‘n stadium saam musiek gemaak het.
Ook by die konsert is Small Town Tramp en Project Mothball.
Small Town Tramp is in 2009 gestig en is welbekend op die Namibiese rock-toneel.
“Daar word gesê vanuit die sand in een van die oudste woestyne ter wêreld het 'n musikale krag verrys met soveel forsheid, soveel waagmoed, dit was gereed om die wêreld te regeer.” So beskryf die band hulself.
Die ware verhaal: Op ’n dag het die sanger-kitaarspeler PD Stoman (Mojo Blues Electric Band) en baskitaarspeler Sigi Mueller (Arcana XXII) besluit dis tyd vir goeie ou ruk-en-rol, en ‘n ritme-vennoot gaan soek. Dié het hulle gekry met die tromspeler Chris de Chavonnes Vrugt (Multisonus). So is ‘n band gebore. Hul musiekstyl is 'n vermenging van grungy alternative rock wat verkieslik op topvolume geluister moet word. Chris bly tans in Kaapstad om sy studies te voltooi. Sy plek is ingeneem deur Anesh Morar (Penilane) en Thomas Bokemuller het as hoofkitaarspeler aangesluit.
Swakopmund Rocks is die geesteskind van Project Mothball, ‘n Swakopmundse hard rock-band.
Project Mothball bestaan uit hoofsanger Holger Kleyenstüber, hoofkitaarspeler Karl-Andre Terblanche, kitaarspeler Rob da Silva, baskitaarspeler Kyle Cyriax, tromspeler Luigi Lopes en trekklavierspeler Erwin Leuschner.
Dié groep met hul unieke styl het onlangs hul eerste enkelsnit en musiekvideo “Dark Shadows” uitgereik. Dit is op hul webwerf, www.projectmothball.com, en Facebook. Terblanche se vaardighede is ook te sien met sy jongste projek, Checkered Synergy, saam met die plaaslike talentvolle sanger Angelique Punzul.
Kaartjies vir Swakopmund Rocks is te koop by SFC, Swakopmunder Buchhandlung, Café Anton en Take Note Music teen N$100 per persoon. ‘n Deel van die inkomste sal aan die Have a Heart Spay-organisasie geskenk word wat heerlike kos vir die geleentheid maak.
Die deure open 18:00 en die konsert begin 18:45.
Dan moet jy vinnig ‘n plan maak om by die kus te kom.
Swakopmund Rocks is ‘n opwindende toevoeging tot die Namibiese musiekkalender.
Dié musiekkonsert word môre by die Swakopmund Voetbalklub (SFC) gehou en mag nie misgeloop word nie.
Die Suid-Afrikaanse band Kirality is die hoofkunstenaars. Dié manne was al in Namibië en het vele aanhangers hier. Hulle beskryf hulself as “’n drieman-rockband wat hulde bring aan groot name in musiek wat die geskiedenis herskryf het. Daar is niks wat ons meer geniet as om energieke optredes te hou vir gehore wat reageer nie.”
Kirality bestaan uit die musikale talent van Craig Vee (kitaar en sang), Steph Nortje (tromme) en Warren Wazman (baskitaar en sang).
Maar dis nie al nie.
Drie Namibiese rockbands tree ook op. Eerste aan die beurt is Gasoline, wat geen bekendstelling nodig het nie. Gasoline is ‘n klassieke rock cover band wat al vir 20 jaar rock in Namibië aan die lewe hou. Talle plaaslike musikante van ander bands ken die lede goed aangesien baie van hulle in ‘n stadium saam musiek gemaak het.
Ook by die konsert is Small Town Tramp en Project Mothball.
Small Town Tramp is in 2009 gestig en is welbekend op die Namibiese rock-toneel.
“Daar word gesê vanuit die sand in een van die oudste woestyne ter wêreld het 'n musikale krag verrys met soveel forsheid, soveel waagmoed, dit was gereed om die wêreld te regeer.” So beskryf die band hulself.
Die ware verhaal: Op ’n dag het die sanger-kitaarspeler PD Stoman (Mojo Blues Electric Band) en baskitaarspeler Sigi Mueller (Arcana XXII) besluit dis tyd vir goeie ou ruk-en-rol, en ‘n ritme-vennoot gaan soek. Dié het hulle gekry met die tromspeler Chris de Chavonnes Vrugt (Multisonus). So is ‘n band gebore. Hul musiekstyl is 'n vermenging van grungy alternative rock wat verkieslik op topvolume geluister moet word. Chris bly tans in Kaapstad om sy studies te voltooi. Sy plek is ingeneem deur Anesh Morar (Penilane) en Thomas Bokemuller het as hoofkitaarspeler aangesluit.
Swakopmund Rocks is die geesteskind van Project Mothball, ‘n Swakopmundse hard rock-band.
Project Mothball bestaan uit hoofsanger Holger Kleyenstüber, hoofkitaarspeler Karl-Andre Terblanche, kitaarspeler Rob da Silva, baskitaarspeler Kyle Cyriax, tromspeler Luigi Lopes en trekklavierspeler Erwin Leuschner.
Dié groep met hul unieke styl het onlangs hul eerste enkelsnit en musiekvideo “Dark Shadows” uitgereik. Dit is op hul webwerf, www.projectmothball.com, en Facebook. Terblanche se vaardighede is ook te sien met sy jongste projek, Checkered Synergy, saam met die plaaslike talentvolle sanger Angelique Punzul.
Kaartjies vir Swakopmund Rocks is te koop by SFC, Swakopmunder Buchhandlung, Café Anton en Take Note Music teen N$100 per persoon. ‘n Deel van die inkomste sal aan die Have a Heart Spay-organisasie geskenk word wat heerlike kos vir die geleentheid maak.
Die deure open 18:00 en die konsert begin 18:45.
Kommentaar
Republikein
Geen kommentaar is op hierdie artikel gelaat nie