Rundu Chiefs: Ons sal terug wees
Sokker
Die sokkerklub Rundu Chiefs is vasbeslote om sy plek in die land se hoogste liga terug te wen nadat hy uit die MTC Namibiese Premierliga gerelegeer is.
Die noordespan het tweedelaaste uit die 16 spanne klaargemaak, met 27 punte uit 30 wedstryde na afloop van die 2017-2018 seisoen.
Ná hul laaste wedstryd afgelope Sondag, toe Black Africa hulle met 7-1 afgeransel het, het Rundu Chiefs se waarnemende afrigter Mathew Kanyaso aan die nuusagentskap Nampa gesê hulle is positief dat hulle in die volgende seisoen 'n terugkeer kan maak om weer 'n NPL-plek oop te speel.
“Rundu Chiefs is 'n groot span met goeie getalle ondersteuners en klublede, wat sal help om ons span te hergroepeer en terug in die Premierliga te kom.”
Hy het uitgewys dat die noordoostelike eerste liga, waarin hulle volgende seisoen sal speel, nou in twee groepe verdeel is en dat so 'n stelsel hul kanse verder versterk om vinniger bevordering na die NPL te verseker.
“In die eerste liga hoef ons ook nie sulke reuse-afstande te ry wat 'n groot klomp geld kos nie. Met dié groepstelsel het ons 'n goeie kans om ons wedstryde te wen en dan sake teen die ander groepwenner uit te spook in die NPL-uitspeelwedstryd,” het Kanyaso gesê.
Volgens hom sal Rundu Chiefs die meeste van sy spelers vrystelling gee om na ander klubs oor te beweeg indien hulle wil. “Ons sal op die uitkyk wees vir nuwe bloed wat reg is vir ons stryd om bevorder te word.”
Intussen het die 2018 nasionale eerste liga in die drie verskillende streke nog nie afgeskop nie. Ondanks die aanvanklike afskopdatum in April het administratiewe kwessies verhinder dat die bal aan die rol gesit kon word.
Die drie streke vir die eerste liga het elkeen N$1 miljoen versoek om die liga aan die gang te hou, maar die Namibiese Sokkervereniging (NSV) as toesighouer van die liga is net bereid om elke streek met N$600 000 te finansier. - Nampa
Die noordespan het tweedelaaste uit die 16 spanne klaargemaak, met 27 punte uit 30 wedstryde na afloop van die 2017-2018 seisoen.
Ná hul laaste wedstryd afgelope Sondag, toe Black Africa hulle met 7-1 afgeransel het, het Rundu Chiefs se waarnemende afrigter Mathew Kanyaso aan die nuusagentskap Nampa gesê hulle is positief dat hulle in die volgende seisoen 'n terugkeer kan maak om weer 'n NPL-plek oop te speel.
“Rundu Chiefs is 'n groot span met goeie getalle ondersteuners en klublede, wat sal help om ons span te hergroepeer en terug in die Premierliga te kom.”
Hy het uitgewys dat die noordoostelike eerste liga, waarin hulle volgende seisoen sal speel, nou in twee groepe verdeel is en dat so 'n stelsel hul kanse verder versterk om vinniger bevordering na die NPL te verseker.
“In die eerste liga hoef ons ook nie sulke reuse-afstande te ry wat 'n groot klomp geld kos nie. Met dié groepstelsel het ons 'n goeie kans om ons wedstryde te wen en dan sake teen die ander groepwenner uit te spook in die NPL-uitspeelwedstryd,” het Kanyaso gesê.
Volgens hom sal Rundu Chiefs die meeste van sy spelers vrystelling gee om na ander klubs oor te beweeg indien hulle wil. “Ons sal op die uitkyk wees vir nuwe bloed wat reg is vir ons stryd om bevorder te word.”
Intussen het die 2018 nasionale eerste liga in die drie verskillende streke nog nie afgeskop nie. Ondanks die aanvanklike afskopdatum in April het administratiewe kwessies verhinder dat die bal aan die rol gesit kon word.
Die drie streke vir die eerste liga het elkeen N$1 miljoen versoek om die liga aan die gang te hou, maar die Namibiese Sokkervereniging (NSV) as toesighouer van die liga is net bereid om elke streek met N$600 000 te finansier. - Nampa
Kommentaar
Republikein
Geen kommentaar is op hierdie artikel gelaat nie