Russe kry kontrak van R5 mjd. om gas te soek
PetroSA het ’n kontrak van US$400 miljoen (R5,1 miljard) met die Russiese staatseksplorasiegroep Rosgeo gesluit om vir aardgas aan die Suid-Kaapse kus te soek.
Dit kom te midde van kwynende gasbronne by PetroSA se bestaande FA-gasveld wat gas aan die gas-tot-brandstofaanleg by Mosselbaai lewer.
Daar blyk groot opgewondenheid by PetroSA oor die ooreenkoms te heers omdat verneem word die Russiese maatskappy gaan die volle koste van die eksplorasiewerk dra.
PetroSA se vorige poging om nuwe gasbronne te vind – Projek Ikhwezi – het nie soveel gas opgelewer as waarop gehoop is nie en dit het bygedra tot die staatsoliemaatskappy se verlies van meer as R14 miljard in die vorige boekjaar.
Die jongste ooreenkoms met Rosgeo is tydens die Brics-beraad in Xiamen, China, gesluit, luidens ’n verklaring van PetroSA.
Ingevolge die ooreenkoms sal Rosgeo eksplorasiewerk in blokke 9 en 11A aan die Suid-Kaapse kus doen. Dit strek oor ’n reusagtige gebied in die suidelike Indiese Oseaan van meer as 4 000 km². Dit sluit 3D- seismiese opnames in asook gravitasie-magnetiese eksplorasie en die sink van eksplorasieboorgate.
PetroSA sê hulle hoop die projek loop uit op die ontginning van 4 miljoen m³ se aardgas per dag.
As PetroSA nie binnekort nuwe gasbronne ontdek nie, sal hy aardgas moet invoer, die gas-tot-brandstofaanleg in ’n olieraffinadery moet omskep, of as laaste uitweg dit moet sluit. PetroSA voer reeds gaskondensaat in om die aanleg te voer.
’n Vorige plan om ’n aardgas-invoereindpunt by Vleesbaai te bou, is deur omgewingsbesware gekelder.
Roman Panov, uitvoerende hoof van Rosgeo, sê hulle sal die jongste tegnologie gebruik vir die eksplorasiewerk.
Luvo Makasi, voorsitter van die Sentrale Energiefonds, sê die projek is uiters belangrik om PetroSA se voortbestaan te verseker.
Volgens hom is die olie- en gaspotensiaal aan die Suid-Afrikaanse kuslyn nog grootliks onbenut.
Nhlanhla Gumede, waarnemende voorsitter van PetroSA, sê as gas in blok 9 en 11A gevind word, sal dit eksplorasie-aktiwiteite in die land aanwakker. Vir PetroSA sal dit beteken dat hy goedkoper gasvoorraad kan gebruik.
Blok 9 is ’n omvattende eksplorasiegebied in die sogenaamde Bredasdorp-kom waarbinne PetroSA se bestaande FA-gasveld en sy Oribi- en Oryx-olievelde val, asook waarin pogings aangewend is om Projek Ikhwezi uit te voer. Blok 11A is ’n veel kleiner eksplorasieblok ’n paar honderd kilometer wes daarvandaan suid van die Tsitsikamma-kus.
Dis nie bekend presies watter belang Rosgeo in die blokke sal hê nie. By bestaande eksplorasieblokke waar private vennote betrokke is, wissel PetroSA se belang van 20% tot 50%. In blok 3A/4A aan die Weskus het PetroSA ’n belang van 50% en Sasol besit die ander 50%. In ’n reuse-blok suidwes van Kaapstad het die Amerikaanse groep Anadarko ’n belang van 80% en PetroSA 20%. – Netwerk24
Dit kom te midde van kwynende gasbronne by PetroSA se bestaande FA-gasveld wat gas aan die gas-tot-brandstofaanleg by Mosselbaai lewer.
Daar blyk groot opgewondenheid by PetroSA oor die ooreenkoms te heers omdat verneem word die Russiese maatskappy gaan die volle koste van die eksplorasiewerk dra.
PetroSA se vorige poging om nuwe gasbronne te vind – Projek Ikhwezi – het nie soveel gas opgelewer as waarop gehoop is nie en dit het bygedra tot die staatsoliemaatskappy se verlies van meer as R14 miljard in die vorige boekjaar.
Die jongste ooreenkoms met Rosgeo is tydens die Brics-beraad in Xiamen, China, gesluit, luidens ’n verklaring van PetroSA.
Ingevolge die ooreenkoms sal Rosgeo eksplorasiewerk in blokke 9 en 11A aan die Suid-Kaapse kus doen. Dit strek oor ’n reusagtige gebied in die suidelike Indiese Oseaan van meer as 4 000 km². Dit sluit 3D- seismiese opnames in asook gravitasie-magnetiese eksplorasie en die sink van eksplorasieboorgate.
PetroSA sê hulle hoop die projek loop uit op die ontginning van 4 miljoen m³ se aardgas per dag.
As PetroSA nie binnekort nuwe gasbronne ontdek nie, sal hy aardgas moet invoer, die gas-tot-brandstofaanleg in ’n olieraffinadery moet omskep, of as laaste uitweg dit moet sluit. PetroSA voer reeds gaskondensaat in om die aanleg te voer.
’n Vorige plan om ’n aardgas-invoereindpunt by Vleesbaai te bou, is deur omgewingsbesware gekelder.
Roman Panov, uitvoerende hoof van Rosgeo, sê hulle sal die jongste tegnologie gebruik vir die eksplorasiewerk.
Luvo Makasi, voorsitter van die Sentrale Energiefonds, sê die projek is uiters belangrik om PetroSA se voortbestaan te verseker.
Volgens hom is die olie- en gaspotensiaal aan die Suid-Afrikaanse kuslyn nog grootliks onbenut.
Nhlanhla Gumede, waarnemende voorsitter van PetroSA, sê as gas in blok 9 en 11A gevind word, sal dit eksplorasie-aktiwiteite in die land aanwakker. Vir PetroSA sal dit beteken dat hy goedkoper gasvoorraad kan gebruik.
Blok 9 is ’n omvattende eksplorasiegebied in die sogenaamde Bredasdorp-kom waarbinne PetroSA se bestaande FA-gasveld en sy Oribi- en Oryx-olievelde val, asook waarin pogings aangewend is om Projek Ikhwezi uit te voer. Blok 11A is ’n veel kleiner eksplorasieblok ’n paar honderd kilometer wes daarvandaan suid van die Tsitsikamma-kus.
Dis nie bekend presies watter belang Rosgeo in die blokke sal hê nie. By bestaande eksplorasieblokke waar private vennote betrokke is, wissel PetroSA se belang van 20% tot 50%. In blok 3A/4A aan die Weskus het PetroSA ’n belang van 50% en Sasol besit die ander 50%. In ’n reuse-blok suidwes van Kaapstad het die Amerikaanse groep Anadarko ’n belang van 80% en PetroSA 20%. – Netwerk24
Kommentaar
Republikein
Geen kommentaar is op hierdie artikel gelaat nie