Só kan kommunale gewas- en veeproduksie in die Noorde verbeter
Die opstel daarvan het 'n studie ingesluit wat in drie fases oor 36 maande in die Oshikoto-, Ohangwena-, Oshana en Omusatistreek uitgevoer is.
Elvira Hattingh
Die produksie van gewasse in noordelike kommunale gebiede kan deur middel van geenbewerkingslandbou meer as verdubbel word.
Terselfdertyd kan lewendehaweproduksie asook die gebied se drakrag verbeter word deur weidingbestuur, voerproduksie en die verbetering van dieregesondheid.
Dit is die bevindinge in die meesterplan en opleidingsgids vir die ontwikkeling van gewasse en die lewendehawesektor in die Noorde (NCLIMP), wat Donderdag deur die Japannese ambassadeur in Namibië, amb. Hideyuki Sakamoto, aan die ministerie van landbou, water en bosbou oorhandig is.
Die dokument is deur tegniese kenners van die Japan Internasionale Koöperasie-agentskap (JICA) asook die ministerie saamgestel met die doel om die gewas- en lewendehaweproduksie in spesifiek noordelike kommunale gebiede te verbeter.
Die opstel daarvan het 'n studie ingesluit wat in drie fases oor 36 maande in die Oshikoto-, Ohangwena-, Oshana en Omusatistreek uitgevoer is.
Dit is in vyf stappe aangepak, wat insluit dat 'n opname van uitdagings en geleenthede gemaak word, daar op teikengebiede besluit word en boere opgelei word om te verstaan wat die gaping tussen die huidige en ideale situasie is.
Daarna word gapings in die mark geïdentifiseer en 'n aksieplan en plan vir steun saamgestel. Opleiding in die veld en die monitor en aanpassing van die skedule word ook gedoen.
Boonop is verskeie proefprojekte intussen in die streke begin wat vir Namibië se weerstoestande aangepas is.
Dit sluit in dat grane en groentes by onder meer Etayi, Okashana en Ondobe geplant is en veeproewe in Okahao, Tsandi, Engombe, Omuntele en Okongo gedoen is.
Resultate hiervan dui aan dat geenbewerkingslandbou gebruik kan word om die produksie van gewasse te stabiliseer en die jaarlikse gemiddeld van sowat 24 000 ton tot sowat 55 000 ton te verbeter. Boonop kan swak veeproduksie, wat veroorsaak word deur oorbeweiding van tot 1,6 keer die gebied se drakrag, hoë veevrektes en lae produksie, ook verbeter word. Dit sal insluit dat weidingsbestuur toegepas word, voer geproduseer word en dieregesondheid verbeter word.
Volgens mnr. Abraham Nehemia, adjunk- permanente sekretaris in die departement van water en bosbou in die ministerie, was die doel van die projek om boere in die noordelike kommunale gebiede te help om van bestaansboerdery na meer kommersiële boerdery oor te skakel. “Ons moenie net van die hand na die mond leef en net vir onsself produseer nie, maar vir die mark. Dus moet die mark dryf wat boere produseer.
“Die doel van die program was om mense te help om in besigheidsterme te dink as dit by hul grond en lewende hawe kom. Die fokus van die program was om amptenare in die ministerie op te lei om boere te ondersteun.”
Die produksie van gewasse in noordelike kommunale gebiede kan deur middel van geenbewerkingslandbou meer as verdubbel word.
Terselfdertyd kan lewendehaweproduksie asook die gebied se drakrag verbeter word deur weidingbestuur, voerproduksie en die verbetering van dieregesondheid.
Dit is die bevindinge in die meesterplan en opleidingsgids vir die ontwikkeling van gewasse en die lewendehawesektor in die Noorde (NCLIMP), wat Donderdag deur die Japannese ambassadeur in Namibië, amb. Hideyuki Sakamoto, aan die ministerie van landbou, water en bosbou oorhandig is.
Die dokument is deur tegniese kenners van die Japan Internasionale Koöperasie-agentskap (JICA) asook die ministerie saamgestel met die doel om die gewas- en lewendehaweproduksie in spesifiek noordelike kommunale gebiede te verbeter.
Die opstel daarvan het 'n studie ingesluit wat in drie fases oor 36 maande in die Oshikoto-, Ohangwena-, Oshana en Omusatistreek uitgevoer is.
Dit is in vyf stappe aangepak, wat insluit dat 'n opname van uitdagings en geleenthede gemaak word, daar op teikengebiede besluit word en boere opgelei word om te verstaan wat die gaping tussen die huidige en ideale situasie is.
Daarna word gapings in die mark geïdentifiseer en 'n aksieplan en plan vir steun saamgestel. Opleiding in die veld en die monitor en aanpassing van die skedule word ook gedoen.
Boonop is verskeie proefprojekte intussen in die streke begin wat vir Namibië se weerstoestande aangepas is.
Dit sluit in dat grane en groentes by onder meer Etayi, Okashana en Ondobe geplant is en veeproewe in Okahao, Tsandi, Engombe, Omuntele en Okongo gedoen is.
Resultate hiervan dui aan dat geenbewerkingslandbou gebruik kan word om die produksie van gewasse te stabiliseer en die jaarlikse gemiddeld van sowat 24 000 ton tot sowat 55 000 ton te verbeter. Boonop kan swak veeproduksie, wat veroorsaak word deur oorbeweiding van tot 1,6 keer die gebied se drakrag, hoë veevrektes en lae produksie, ook verbeter word. Dit sal insluit dat weidingsbestuur toegepas word, voer geproduseer word en dieregesondheid verbeter word.
Volgens mnr. Abraham Nehemia, adjunk- permanente sekretaris in die departement van water en bosbou in die ministerie, was die doel van die projek om boere in die noordelike kommunale gebiede te help om van bestaansboerdery na meer kommersiële boerdery oor te skakel. “Ons moenie net van die hand na die mond leef en net vir onsself produseer nie, maar vir die mark. Dus moet die mark dryf wat boere produseer.
“Die doel van die program was om mense te help om in besigheidsterme te dink as dit by hul grond en lewende hawe kom. Die fokus van die program was om amptenare in die ministerie op te lei om boere te ondersteun.”
Kommentaar
Republikein
Geen kommentaar is op hierdie artikel gelaat nie