Só lyk dit op Myl 108

Myl 108 se baadjie is nuut en spog eersdaags met nog private ablusiegeriewe bykomend tot die 16 wat verlede jaar reeds opgerig is. Dit sluit 'n toilet, wasbak, stort en aanttrekkamertjie in. Vanjaar word nog ses eenhede teen die see opgerig.

Daarbenewens is daar nou ook vriesgeriewe wat gehuur kan word.

Mnr. Jack Enright, ’n gereelde besoeker en verteenwoordiger van Myl 108 se lojaalste kampeerders, sê 'n Suid-Afrikaanse toeris wat gekla het oor die konstruksie en bourommel, het 150 ander staanplekke waaruit hy en sy gesin kon kies waar ontwikkeling nie besig is om plaas te vind nie.

Volgens Enright is hy vooraf in kennis gestel die staanplek waar hy gewoonlik kamp, is vir konstruksie geoormerk. Hy is ook aangeraai om "'n paar plekke Noord" te kamp en wat ook nader aan die moderne ablusie-eenheid is wat hy kan gebruik. Volgens Enright is Myl 108 besig "om na sy ou glorie terug te keer".