Só word meisies ondersteun

Die Angel of Hope-projek op Lüderitz staan ongeveer 300 minderbevoorregte meisies by wat nie sanitêre doekies kan bekostig nie, sodat hulle nie ’n enkele dag se skool hoef te mis nie. Die projek is begin deur me. Susan Kaulinge, ’n lid van Lüderitz se Rotariërs, en word deur mnr. Ockert Theron van ILogistics en die Lüderitz Nest Hotel geborg. Daarmee saam het die Rotariërs van Bad Bederkesa in Duitsland onderneem om vir Kersfees Adventskalenders te verkoop en die geld wat daardeur ingesamel word, sal ook aan Angel of Hope geskenk word. Die eerste groep meisies op Aus, Bethanie en Lüderitz het reeds hierby gebaat. “Ons hoop die meisies sal in die toekoms nie meer ’n enkele dag van skool hoef te mis nie,” het Kaulinge gesê. Foto Tanja Bause