SA bouprojekte ly onder misdaad

William Horne en Bloomberg – Die Suid-Afrikaanse Federasie van Siviele Ingenieurskontrakteurs (Safsik) vra in ’n brief die regering se hulp met die beskerming van bouprojekte waar sowat R25,5 miljard se konstruksieprojekte reeds deur misdaad gevandaliseer en ontwrig is.Safsik sê veral die onlangse ontwrigting van die Mtentu-brug-projek van R1,65 miljard in die Oos-Kaap is problematies. Die brug van 1 132 m lank is deel van die N2-Wildekuspad-projek.Dit is al Suid-Afrika se “Golden Gate-brug” gedoop vanweë die ooreenkomste met dié bekende brug in San Francisco, maar die konstruksiemaatskappye Aveng en Strabag International, die vennote in die bou hiervan, het op 4 Februarie force majeure verklaar weens geweld en dreigemente van geweld deur lede van die plaaslike gemeenskap en hulle aan die projek onttrek.Safsik sê “gewapende bendes” het grootskaalse ontwrigting veroorsaak.Safsik sê ook in ’n brief wat op 18 Maart aan Tito Mboweni, minister van finansies, gestuur is, geweld het ook op 13 Maart tot die opskorting van bouwerk aan die oliebergingsprojek van R2,4 miljard by Saldanha gelei.Hier het mense wat geëis het om werk te kry eiendom op die perseel afgebrand.Safsik sê die oortreders by die Mtentu-projek is deur die polisie vrygelaat, terwyl openbare-orde-beamptes meer as drie uur geneem het om by die brandpunt in Saldanha op te daag.Die ekonomie en werkers se lewensonderhoud “is die grootste slagoffers,” sê Safsik.“Geen belasting kan ingevorder word as ekonomiese aktiwiteit nie kan plaasvind nie. Die oppergesag van die reg moet gehandhaaf word sodat beleggers in die sektor nie afgeskrik word nie.”Sulke aanvalle sal pres. Cyril Ramaphosa se beleggingsveldtog om $100 miljard oor die volgende vyf jaar na die land te lok, in die wiele ry.Chris Campbell, uitvoerende hoof van Consulting Engineers SA (Cesa), het in Februarie ook gewys op die “mafias” wat die konstruksiebedryf teister.Mafias wat op boupersele opdaag en kontrakteurs en werkers met geweld dreig, is ’n nasionale krisis, sê Campbell. Hy wil hê die staat moet dit met dieselfde erns hanteer as wat hy transitorooftogte hanteer.“Suid-Afrika se konstruksiemaatskappye sukkel reeds om mense in diens te hou weens die sukkelende ekonomie.“Hierdie probleem maak die bedryf selfs net nog onaantrekliker,” sê Campbell.Volgens die ministerie van finansies het hulle die brief van Safsik ontvang, maar Jabulani Sikhakhane, woordvoerder van die ministerie, het nog nie verder kommentaar gelewer nie. – Bloomberg, verwerk/Netwerk24

SA bouprojekte ly onder misdaad

Kommentaar

Republikein 2025-04-17

Meld asseblief aan om kommentaar te lewer

SA bouprojekte ly onder misdaad

Kommentaar

Republikein 2025-04-17

Meld asseblief aan om kommentaar te lewer

MELD AAN

Advertensie