SA lok steeds meeste buitelandse geld in Afrika
Afrika het in 2016 altesaam 676 regstreekse buitelandse beleggingsprojekte gelok.
Vida Booysen - Suid-Afrika lok steeds die meeste regstreekse buitelandse investeringsprojekte in Afrika.
Dit blyk uit Ernest & Young (EY) se 2016 Africa Attractiveness Survey, ’n jaarlikse opname wat die aanloklikheid van ’n spesifieke Afrikaland of -streek vir regstreekse buitelandse beleggings meet.
Verlede jaar het die getal regstreekse buitelandse investeringsprojekte in Suid-Afrika met 6,9% teenoor 2015 toegeneem en die land het altesaam 20,6% van Afrika se projekte gekry. Marokko, met 12% van die vasteland se buitelandse projekte, is die tweede gewildste.
Daar is ’n sterk styging in veral beleggings in verbruikersgoedere en kleinhandel in Suid-Afrika, sê Ajen Sita, EY Afrika se uitvoerende hoof. Die getal projekte het meer as verdubbel van 19 in 2015 tot 41 in 2016.
Só, byvoorbeeld, het Nestlé in April 2016 sy kitskoffiefabriek in KwaZulu-Natal geopen nadat hy R1,2 miljard in die aanleg se uitbreiding belê het.
“Selfs met sy ekonomie onder druk behou Suid-Afrika sy aantrekkingskrag as ’n wegspringplek vir groei oor die vasteland heen.”
Geld
Die opname toon dat Afrika in 2016 altesaam 676 regstreekse buitelandse beleggingsprojekte gelok het. Dít is ’n afname van 12,3% teenoor die vorige jaar en die getal poste wat geskep is, het ook gedaal – met 13,1%.
Hierteenoor het die hoeveelheid geld wat in dié projekte bestee is, met 31,9% gestyg.
Dié styging is aan groot kapitaalintensiewe projekte in die eiendoms-, gasvryheids- en konstruksiesektore van Afrika te danke. Trouens, Afrika was in 2016 op een na die voorste bestemming vir buitelandse kapitaal.
Die gemengde resultate vir Afrika as beleggersbestemming is nie verrassend nie, sê Sita.
“Beleggersentiment jeens Afrika sal waarskynlik oor die volgende aantal jare ietwat gedemp bly – en dit het minder met Afrika se makro-ekonomie te doen as met ’n wêreld wat al hoe meer deur politieke onsekerheid gekenmerk word en waar beleggers sku raak.”
Hy sê beleggers wat reeds in Afrika belê het, bly positief oor die vasteland se langtermynvooruitsigte, maar hulle is ook oordeelkundig oor waar hulle belê.
Meer as die helfte van Afrika se buitelandse kapitale investering in 2016 kom van die Asiaties-Pasifiese streek.
“Dit was opmerklik dat Chinese investering in Afrika dramaties verhoog het, wat dié land die grootste bydraer tot kapitaal en werkgeleenthede in Afrika in 2016 maak.”
Sita waarsku egter dat groei in Afrika inklusiewer en meer volhoubaar moet word om armoede na laer vlakke te dwing.
“Stygende nasionale skuld en begrotingstekorte is die algemeenste risiko’s vir die groot ekonomieë in Afrika suid van die Sahara, hoewel die langtermyngroeivooruitsigte stewig lyk.”
Al meer Afrikalande groei teen 3% of meer per jaar en daar is volgens die EY-verslag ’n rekordgetal snelgroeiende ekonomieë wat meer as 5% per jaar groei. Tussen 2001 en 2015 was daar 14 sulke lande. Dié getal sal na verwagting teen 2030 tot 19 styg. – Netwerk24
Dit blyk uit Ernest & Young (EY) se 2016 Africa Attractiveness Survey, ’n jaarlikse opname wat die aanloklikheid van ’n spesifieke Afrikaland of -streek vir regstreekse buitelandse beleggings meet.
Verlede jaar het die getal regstreekse buitelandse investeringsprojekte in Suid-Afrika met 6,9% teenoor 2015 toegeneem en die land het altesaam 20,6% van Afrika se projekte gekry. Marokko, met 12% van die vasteland se buitelandse projekte, is die tweede gewildste.
Daar is ’n sterk styging in veral beleggings in verbruikersgoedere en kleinhandel in Suid-Afrika, sê Ajen Sita, EY Afrika se uitvoerende hoof. Die getal projekte het meer as verdubbel van 19 in 2015 tot 41 in 2016.
Só, byvoorbeeld, het Nestlé in April 2016 sy kitskoffiefabriek in KwaZulu-Natal geopen nadat hy R1,2 miljard in die aanleg se uitbreiding belê het.
“Selfs met sy ekonomie onder druk behou Suid-Afrika sy aantrekkingskrag as ’n wegspringplek vir groei oor die vasteland heen.”
Geld
Die opname toon dat Afrika in 2016 altesaam 676 regstreekse buitelandse beleggingsprojekte gelok het. Dít is ’n afname van 12,3% teenoor die vorige jaar en die getal poste wat geskep is, het ook gedaal – met 13,1%.
Hierteenoor het die hoeveelheid geld wat in dié projekte bestee is, met 31,9% gestyg.
Dié styging is aan groot kapitaalintensiewe projekte in die eiendoms-, gasvryheids- en konstruksiesektore van Afrika te danke. Trouens, Afrika was in 2016 op een na die voorste bestemming vir buitelandse kapitaal.
Die gemengde resultate vir Afrika as beleggersbestemming is nie verrassend nie, sê Sita.
“Beleggersentiment jeens Afrika sal waarskynlik oor die volgende aantal jare ietwat gedemp bly – en dit het minder met Afrika se makro-ekonomie te doen as met ’n wêreld wat al hoe meer deur politieke onsekerheid gekenmerk word en waar beleggers sku raak.”
Hy sê beleggers wat reeds in Afrika belê het, bly positief oor die vasteland se langtermynvooruitsigte, maar hulle is ook oordeelkundig oor waar hulle belê.
Meer as die helfte van Afrika se buitelandse kapitale investering in 2016 kom van die Asiaties-Pasifiese streek.
“Dit was opmerklik dat Chinese investering in Afrika dramaties verhoog het, wat dié land die grootste bydraer tot kapitaal en werkgeleenthede in Afrika in 2016 maak.”
Sita waarsku egter dat groei in Afrika inklusiewer en meer volhoubaar moet word om armoede na laer vlakke te dwing.
“Stygende nasionale skuld en begrotingstekorte is die algemeenste risiko’s vir die groot ekonomieë in Afrika suid van die Sahara, hoewel die langtermyngroeivooruitsigte stewig lyk.”
Al meer Afrikalande groei teen 3% of meer per jaar en daar is volgens die EY-verslag ’n rekordgetal snelgroeiende ekonomieë wat meer as 5% per jaar groei. Tussen 2001 en 2015 was daar 14 sulke lande. Dié getal sal na verwagting teen 2030 tot 19 styg. – Netwerk24
Kommentaar
Republikein
Geen kommentaar is op hierdie artikel gelaat nie