Saai bietjie dankbaarheid
Leandrea Louw
Dit voel of ek vandag ’n bietjie wysheid met julle moet deel, maar ek is blank.
Ek is net dankbaar, soos baie van ons dat dit Desember is.
Ek weet nie een van ons het ’n idee wat volgende jaar vir ons inhou nie, dalk is dit ’n 2020 2.0, maar tog is ek so dankbaar Kersfees is om die draai en dat ons bietjie terug kan dink aan die jaar wat verby is.
Rolf Hansen van die kankervereniging het verlede week ’n live video gedoen en hy het gesê ons moet terugkyk na hierdie jaar en ons moet die nuwe maand met dankbaarheid in ons harte verwelkom, want dit help tog nie om terug te kyk na al die slegte tye nie.
Dit was ’n moeilike jaar vir ons almal, vir sommige van ons baie erger as vir ander, maar ons het dit tot hier gemaak.
Kom ons wees dankbaar daarvoor.
Ek moet my kort-kort herinner daar is nou soveel om voor dankbaar te wees. In terme van my loopbaan was dit ’n baie goeie jaar, maar sjoe, dit was rêrig tough!
Soveel dinge het verander, ons het soveel mense verloor en soveel besighede moes hul deure sluit.
Maar kom ons kyk terug, dink aan elke liewe ding – klein of groot – wat in jou lewe gebeur het en kies een waarvoor jy dankbaar is.
Dit hoef nie iets aardskuddend te wees nie, maar kies net een ding.
Ek weet baie van ons is moeg, moeg gesukkel en plein gatvol, maar ons is hier.
Kersfees lê en loer vir ons - die nuwe jaar ook.
Ons kan nou bietjie afskakel en tyd saam met ons families deurbring. Vir ander (soos ons) lê ’n besige vakansieseisoen voor, maar ek vat dit dag vir dag.
Doen moeite dié maand (as jy dit nog nie gedoen het nie) om iets vir jouself te doen, want jy is voorwaar ’n survivor.
Kom ons vat hierdie maand dag vir dag en wees dankbaar vir al die klein oorwinnings. Moenie stres oor die dinge wat jy nie kan beheer en verander nie.
Of as jy nie aan iets kan dink om oor dankbaar te wees nie, maak dan ’n nota om vir jouself te sê #GratefulBeyondMeasure soos Denver Kisting elke dag doen.
Byt vas, die jaar is amper om, en haal asem. Drink ’n drankie, skop jou skoene uit en ontspan.
Vir dié wat in Desember nog volstoom aan die gang is, byt net vas. Ons kans sal kom om bietjie asem te skep.
Dit voel of ek vandag ’n bietjie wysheid met julle moet deel, maar ek is blank.
Ek is net dankbaar, soos baie van ons dat dit Desember is.
Ek weet nie een van ons het ’n idee wat volgende jaar vir ons inhou nie, dalk is dit ’n 2020 2.0, maar tog is ek so dankbaar Kersfees is om die draai en dat ons bietjie terug kan dink aan die jaar wat verby is.
Rolf Hansen van die kankervereniging het verlede week ’n live video gedoen en hy het gesê ons moet terugkyk na hierdie jaar en ons moet die nuwe maand met dankbaarheid in ons harte verwelkom, want dit help tog nie om terug te kyk na al die slegte tye nie.
Dit was ’n moeilike jaar vir ons almal, vir sommige van ons baie erger as vir ander, maar ons het dit tot hier gemaak.
Kom ons wees dankbaar daarvoor.
Ek moet my kort-kort herinner daar is nou soveel om voor dankbaar te wees. In terme van my loopbaan was dit ’n baie goeie jaar, maar sjoe, dit was rêrig tough!
Soveel dinge het verander, ons het soveel mense verloor en soveel besighede moes hul deure sluit.
Maar kom ons kyk terug, dink aan elke liewe ding – klein of groot – wat in jou lewe gebeur het en kies een waarvoor jy dankbaar is.
Dit hoef nie iets aardskuddend te wees nie, maar kies net een ding.
Ek weet baie van ons is moeg, moeg gesukkel en plein gatvol, maar ons is hier.
Kersfees lê en loer vir ons - die nuwe jaar ook.
Ons kan nou bietjie afskakel en tyd saam met ons families deurbring. Vir ander (soos ons) lê ’n besige vakansieseisoen voor, maar ek vat dit dag vir dag.
Doen moeite dié maand (as jy dit nog nie gedoen het nie) om iets vir jouself te doen, want jy is voorwaar ’n survivor.
Kom ons vat hierdie maand dag vir dag en wees dankbaar vir al die klein oorwinnings. Moenie stres oor die dinge wat jy nie kan beheer en verander nie.
Of as jy nie aan iets kan dink om oor dankbaar te wees nie, maak dan ’n nota om vir jouself te sê #GratefulBeyondMeasure soos Denver Kisting elke dag doen.
Byt vas, die jaar is amper om, en haal asem. Drink ’n drankie, skop jou skoene uit en ontspan.
Vir dié wat in Desember nog volstoom aan die gang is, byt net vas. Ons kans sal kom om bietjie asem te skep.
Kommentaar
Republikein
Geen kommentaar is op hierdie artikel gelaat nie