San-spoorsnyers in buiteland
Drie mans van Tsumkwe wat in 2013 onder meer ou argeologiese teorieë omver gegooi het, gaan weer Namibië se naam op wêreldvlak hoog hou.
Francoise Steynberg - Drie internasionaal-bekende San-spoorsnyers van Tsumkwe gaan vanaf môre tot 13 Mei aan 'n internasionale konferensie oor prehistoriese menslike voetspore by die Neanderthal Museum in Keulen, Duitsland, deelneem.
Mnre. Ui Kxunta, Thui Thao en Tsamkxao Ciqae, wat in 2013 wêreldwye bekendheid verwerf het toe hulle vorige argeologiese bevindinge oor die Ystydperk met hul spoorsnyvernuf verkeerd bewys het, gaan nou weer hul kennis by dié konferensie deel.
Die drie spoorsnyers van die Ju/'hoansi-San was in 2013 deel van 'n internasionale projek, “Tracking in Caves”, wat in samewerking met die Duitse Neanderthal Museum en die Instituut van Prehistoriese Argeologie by die Universiteit van Keulen uitgevoer is.
Tydens dié projek het die San voetspore uit die Ystydperk in verskeie Franse grotte nagevors wat nog nooit in 100 jaar in argeologiese navorsing gedoen is nie.
“Hul besoek aan die Europese Ystydperk-grotte was elke minuut werd en het ongelooflike nuwe insigte gebring,” het een van die projekleiers, dr. Tillman Lenssen-Erz, hoof van rotskunsnavorsing van Afrika Argeologie van dié instituut, in Julie 2013 aan Republikein gesê. Die projek was onder leiding van hom en dr. Andreas Pastoors van die Neanderthal Museum.
WAARDEVOLLE KENNIS
Lenssen-Erz het die San as uiters professioneel beskryf. “Daar was nog nooit so 'n bekwame inspeksiespan van hul gelyke nie.”
Volgens hom sal navorsers op hierdie konferensie prehistoriese, menslike voetspore wat op al vyf die vastelande voorkom, bespreek en die San sal hul waardevolle kennis deel.
“Benewens die argeologiese kundigheid, sal daar ook inheemse kennis oor voetspore deur die San uit Namibië gedeel word. Heeldag op 11 Mei sal die konferensie aan hulle toegewy word en praktiese demonstrasies van spoorsny sal ook in die veld uitgevoer word," het Lenssen-Erz aan Republikein gesê.
'n Australiese inboorling sal in hul voetspore volg, asook 'n Batek, 'n inheemse Maleisiër van die Maleisiese reënwoud.
“Die doelwit is om metodologiese oordrag van kennis oor spoorsny en argeologie in voetspore in die Neanderthal Museum vir die volgende twee dae in aanbiedings op die konferensie te bewerkstellig,” verduidelik Lenssen-Erz.
Die beskermheer van die konferensie is prof. dr. Hermann Parzinger, president van die Pruisiese Kultuurbesit-stigting en stigtingsdirekteur van die Humboldt Forum. Die konferensie vind plaas in samewerking met die Duitse kommissie vir die Verenigde Nasies se Organisasie vir Onderwys, Wetenskap en Kultuur (Unesco).
Vir meer inligting, besoek www.tracking-in-caves.org.
Mnre. Ui Kxunta, Thui Thao en Tsamkxao Ciqae, wat in 2013 wêreldwye bekendheid verwerf het toe hulle vorige argeologiese bevindinge oor die Ystydperk met hul spoorsnyvernuf verkeerd bewys het, gaan nou weer hul kennis by dié konferensie deel.
Die drie spoorsnyers van die Ju/'hoansi-San was in 2013 deel van 'n internasionale projek, “Tracking in Caves”, wat in samewerking met die Duitse Neanderthal Museum en die Instituut van Prehistoriese Argeologie by die Universiteit van Keulen uitgevoer is.
Tydens dié projek het die San voetspore uit die Ystydperk in verskeie Franse grotte nagevors wat nog nooit in 100 jaar in argeologiese navorsing gedoen is nie.
“Hul besoek aan die Europese Ystydperk-grotte was elke minuut werd en het ongelooflike nuwe insigte gebring,” het een van die projekleiers, dr. Tillman Lenssen-Erz, hoof van rotskunsnavorsing van Afrika Argeologie van dié instituut, in Julie 2013 aan Republikein gesê. Die projek was onder leiding van hom en dr. Andreas Pastoors van die Neanderthal Museum.
WAARDEVOLLE KENNIS
Lenssen-Erz het die San as uiters professioneel beskryf. “Daar was nog nooit so 'n bekwame inspeksiespan van hul gelyke nie.”
Volgens hom sal navorsers op hierdie konferensie prehistoriese, menslike voetspore wat op al vyf die vastelande voorkom, bespreek en die San sal hul waardevolle kennis deel.
“Benewens die argeologiese kundigheid, sal daar ook inheemse kennis oor voetspore deur die San uit Namibië gedeel word. Heeldag op 11 Mei sal die konferensie aan hulle toegewy word en praktiese demonstrasies van spoorsny sal ook in die veld uitgevoer word," het Lenssen-Erz aan Republikein gesê.
'n Australiese inboorling sal in hul voetspore volg, asook 'n Batek, 'n inheemse Maleisiër van die Maleisiese reënwoud.
“Die doelwit is om metodologiese oordrag van kennis oor spoorsny en argeologie in voetspore in die Neanderthal Museum vir die volgende twee dae in aanbiedings op die konferensie te bewerkstellig,” verduidelik Lenssen-Erz.
Die beskermheer van die konferensie is prof. dr. Hermann Parzinger, president van die Pruisiese Kultuurbesit-stigting en stigtingsdirekteur van die Humboldt Forum. Die konferensie vind plaas in samewerking met die Duitse kommissie vir die Verenigde Nasies se Organisasie vir Onderwys, Wetenskap en Kultuur (Unesco).
Vir meer inligting, besoek www.tracking-in-caves.org.
Kommentaar
Republikein
Geen kommentaar is op hierdie artikel gelaat nie