S&P gradeer: So vaar lande suid van Sahara
As beleggers deur Standard & Poor's se bril na Afrika kyk, lyk dinge maar beroerd.
Van die 17 lande in Afrika suid van die Sahara wat dié graderingsagentskap gradeer, word net twee se skuld in hul plaaslike geldeenheid as beleggingswaardig beskou.
Dit is Suid-Afrika en sy buurman Botswana.
Die res word almal as nie-beleggingsgraad of “rommel” gegradeer.
Tien van die 17 het darem 'n stabiele vooruitsig. Ses het 'n negatiewe vooruitsig. Net Burkina Faso het 'n positiewe vooruitsig.
Dit is volgens S&P se graderingsoorsig vir die vasteland wat op 1 Oktober gepubliseer is.
“Die Afrikalande wat ons gradeer se kredietwaardigheid het verder agteruitgegaan sedert ons vorige algehele oorsig,” lui die verslag.
Die vorige streeksoorsig is op 13 Julie 2016 gepubliseer.
“Ons verwag ekonomiese omstandighede gaan in 2017 vir hierdie ekonomieë uitdagend bly.
“Dit is veral omdat die streek baie op hulpbronne staatmaak en daar relatiewe lae ekonomiese groei in groot uitvoermarkte soos China en Europa is.”
S&P sê hy het die afgelope ses maande vier lande se soewereine kredietgraderings verlaag.
Mosambiek, die Republiek die Kongo (Brazzaville), Nigerië en Rwanda het nog verder op die rommelhoop afgeskuif.
Hierdie faktore kan dit vir die streek moeilik maak om op kort termyn geld in die internasionale markte te leen.
S&P
Mosambiek – met 'n gradering van CC en 'n negatiewe vooruitsig – het die heel laagste gradering van die groep.
S&P sê daar is groot kommer oor of dié land sy skuld in die toekoms sal kan betaal. Botswana is weer heel boaan die lys met 'n A-gradering. Die vooruitsig is wel negatief. Gardner Rusike, hoofontleder van S&P in Suid-Afrika, sê Botswana het so 'n goeie gradering omdat hy geen of bykans geen staatskuld het nie.
Rusike was Woensdag een van die sprekers op S&P se konferensie oor die versekeringsbedryf wat in Auckland Park, Johannesburg, gehou is.
Luidens die verslag is die enigste rede hoekom hulle tans 'n negatiewe vooruitsig vir Botswana het, die laer pryse van diamante.
“Ons kan Botswana se gradering verlaag as hy byvoorbeeld drasties minder diamante uitvoer.”
S&P sê hy verwag dat onsekerheid oor Brexit, politieke verwikkelings in Europa en besluite oor die rentekoers in die VSA druk op Afrikalande se ekonomieë kan plaas.
Beleggers kan ook volgens S&P besluit om hul fokus na veiliger bates te verskuif.
As hulle wel beleggings in hierdie markte oorweeg, verwag S&P dat hulle waarskynlik op hoër opbrengste sal aandring.
“Hierdie faktore kan dit vir die streek moeilik maak om op kort termyn geld in die internasionale markte te leen. – Netwerk24
Dit is Suid-Afrika en sy buurman Botswana.
Die res word almal as nie-beleggingsgraad of “rommel” gegradeer.
Tien van die 17 het darem 'n stabiele vooruitsig. Ses het 'n negatiewe vooruitsig. Net Burkina Faso het 'n positiewe vooruitsig.
Dit is volgens S&P se graderingsoorsig vir die vasteland wat op 1 Oktober gepubliseer is.
“Die Afrikalande wat ons gradeer se kredietwaardigheid het verder agteruitgegaan sedert ons vorige algehele oorsig,” lui die verslag.
Die vorige streeksoorsig is op 13 Julie 2016 gepubliseer.
“Ons verwag ekonomiese omstandighede gaan in 2017 vir hierdie ekonomieë uitdagend bly.
“Dit is veral omdat die streek baie op hulpbronne staatmaak en daar relatiewe lae ekonomiese groei in groot uitvoermarkte soos China en Europa is.”
S&P sê hy het die afgelope ses maande vier lande se soewereine kredietgraderings verlaag.
Mosambiek, die Republiek die Kongo (Brazzaville), Nigerië en Rwanda het nog verder op die rommelhoop afgeskuif.
Hierdie faktore kan dit vir die streek moeilik maak om op kort termyn geld in die internasionale markte te leen.
S&P
Mosambiek – met 'n gradering van CC en 'n negatiewe vooruitsig – het die heel laagste gradering van die groep.
S&P sê daar is groot kommer oor of dié land sy skuld in die toekoms sal kan betaal. Botswana is weer heel boaan die lys met 'n A-gradering. Die vooruitsig is wel negatief. Gardner Rusike, hoofontleder van S&P in Suid-Afrika, sê Botswana het so 'n goeie gradering omdat hy geen of bykans geen staatskuld het nie.
Rusike was Woensdag een van die sprekers op S&P se konferensie oor die versekeringsbedryf wat in Auckland Park, Johannesburg, gehou is.
Luidens die verslag is die enigste rede hoekom hulle tans 'n negatiewe vooruitsig vir Botswana het, die laer pryse van diamante.
“Ons kan Botswana se gradering verlaag as hy byvoorbeeld drasties minder diamante uitvoer.”
S&P sê hy verwag dat onsekerheid oor Brexit, politieke verwikkelings in Europa en besluite oor die rentekoers in die VSA druk op Afrikalande se ekonomieë kan plaas.
Beleggers kan ook volgens S&P besluit om hul fokus na veiliger bates te verskuif.
As hulle wel beleggings in hierdie markte oorweeg, verwag S&P dat hulle waarskynlik op hoër opbrengste sal aandring.
“Hierdie faktore kan dit vir die streek moeilik maak om op kort termyn geld in die internasionale markte te leen. – Netwerk24
Kommentaar
Republikein
Geen kommentaar is op hierdie artikel gelaat nie