See meer gras as vis
See meer gras as vis

See meer gras as vis

Hengel
Des Erasmus
Des Erasmus - Vragte seegras het die pret bederf toe die derde kusligabyeenkoms van die jaar die naweek by Myl 30 en die omgewing gehou is. Van die hengelaars het selfs lyne gebreek om van die swaar bamboes ontslae te raak.

Die swaarste eetbare vis van die dag was 'n kabeljou van 10,5 kg wat deur Johan Vermaak van Namibpark gevang is.

Die byeenkoms is deur die hengelklub Mako met 'n totaal van 82,0 kg vis gewen met Penguin (78,8 kg) tweede, Welwitschia (44,2 kg) derde en Namibpark (41,4 kg) vierde.

Die kampioenhengelaar van die dag was Warren Deysel van Penguin met 31,6 kg vis en Carlien Steyn het die vroueafdeling met 28 kg gewen.

Carlien was ook die kategorie­wenner met 'n spikkelhaai van 21,3 kg. Jeri Drake van Hentiesbaai het die swaarste steenbras van 1,7 kg ­ingebring. Mossie Mostert se kolstert van 0,9 kg was die grootste en Coenie Steyn se grootste galjoen het die skaal op 0,7 kg getrek.

Die afdeling vir hengelaars onder 16 jaar is deur Herman Krauze van Hentiesbaai gewen.

Kommentaar

Republikein 2025-04-04

Geen kommentaar is op hierdie artikel gelaat nie

Meld asseblief aan om kommentaar te lewer