Sewe beseer in tronkgeveg
Twee gevangenes en vyf tronkbewaardes is tydens 'n geveg by Hardap korrektiewe dienste beseer.
Kristien Kruger – Vyf tronkbewaarders en twee gevangenes is beseer toe 'n geveg in Hardap se gevangenis uitgebreek het.
Die voorval het, volgens die Namibiese korrektiewe dienste se woordvoerder, komm. Sam Shaalulange, Dinsdagoggend tydens 'n roetine-ondersoek in die gevangenis se C-eenheid plaasgevind.
Dié eenheid het glo meer as 200 gevangenes.
“Die gevangenes wou nie prosedure volg deur in groepe verdeel te word nie, omdat hulle bang was om Covid-19 op te doen. 'n Geveg het ontaard en die tronkbewaarders is deur gevangenes aangeval.
“Die tronkbewaarders het geen ander keuse gehad as om die konfrontasie met geweld te beëindig nie,” het Shaalulange gesê.
Die fasiliteit se hoofbeampte, komm. Sam Franz, is volgens inligting in die maag gesteek, maar hy is glo Woensdag ontslaan.
Een van die twee beseerde gevangenes word tans in Mariental se staatshospitaal behandel.
Volgens Shaalulange is 'n ondersoek geloods om vas te stel wie verantwoordelik was vir die geveg. Afhangend of dit die gevangenes of die tronkbewaarders was, sal die saak dienooreenkomstig hanteer word.
– [email protected]
Die voorval het, volgens die Namibiese korrektiewe dienste se woordvoerder, komm. Sam Shaalulange, Dinsdagoggend tydens 'n roetine-ondersoek in die gevangenis se C-eenheid plaasgevind.
Dié eenheid het glo meer as 200 gevangenes.
“Die gevangenes wou nie prosedure volg deur in groepe verdeel te word nie, omdat hulle bang was om Covid-19 op te doen. 'n Geveg het ontaard en die tronkbewaarders is deur gevangenes aangeval.
“Die tronkbewaarders het geen ander keuse gehad as om die konfrontasie met geweld te beëindig nie,” het Shaalulange gesê.
Die fasiliteit se hoofbeampte, komm. Sam Franz, is volgens inligting in die maag gesteek, maar hy is glo Woensdag ontslaan.
Een van die twee beseerde gevangenes word tans in Mariental se staatshospitaal behandel.
Volgens Shaalulange is 'n ondersoek geloods om vas te stel wie verantwoordelik was vir die geveg. Afhangend of dit die gevangenes of die tronkbewaarders was, sal die saak dienooreenkomstig hanteer word.
– [email protected]
Kommentaar
Republikein
Geen kommentaar is op hierdie artikel gelaat nie