Sewe nuwe waarnemende appèlregters aangestel

Hoofregter Peter Shivute het vanoggend die aanstelling van sewe waarnemende appélregters in Namibië se hoogste hof, die appèlhof, bekend gemaak.
Drie van hulle is uit buurlande afkomstig, met vier van die waarnemende appèlregters wat uit plaaslike geledere deur pres. Hage Geingob op aanbeveiling van die regsdienskommissie aangestel is.
Die drie buitelandse regters is die afgetrede hoofregter van Zambië, regter Ernest Sakala, ‘n afgetrede appèlregter van Suid-Afrika, regter Jeremiah (Jerry) Shongwe en ‘n afgetrede regter van die hoërhof in Zimbabwe, regter Moses Chinhengo.
Die ander vier is regters Theo Frank, Hosea Angula, Christie Leibenberg en Shafimana Ueitele.
Dit is die eerste keer dat regters Liebenberg en Ueitele as waarnemende appèlregters sal dien.