Sewe sterftes, 121 nuwe gevalle

Die totale getal Covid-sterftes styg met sewe tot 3 821. Vier was tuissterftes en een geval was ten volle ingeënt. Gister is 121 nuwe gevalle aangemeld, 'n positiwiteitskoers van 9,7% Die meeste gevalle (18) is in Otjozondjupa aangeteken, gevolg deur die 14 in Omusati en //Kharas. Die nuwe gevalle sluit 16 leerlinge, vier onderwysers, een student en drie gesondheidswerkers in. Volgens die ministerie van gesondheid en maatskaplike dienste is 86,8% van die gevalle nie ingeënt nie. Die aktiewe gevalle staan tans op 10 114 waarvan 332 in die hospitaal is. Van laasgenoemde is 92,5% nie ingeënt nie. In die ICU is 37 gevalle waarvan 97,3% nie ingeënt is nie. Tot op hede het 413 323 mense 'n eerste dosis entstof ontvang, terwyl 350 863 ten volle ingeënt is. Die herstelkoers staan op 92,2%.