Shifeta doen verslag oor konflik tussen mens en dier
Die omgewingsminister het opnuut maatreëls bespreek om konflik tussen mense en diere te verminder.
Francoise Steynberg – Die ministerie van die omgewing, bosbou en toerisme het onlangs weens mens-dier-konflik drie leeus en twee krokodille van kant gemaak.
Volgens minister Pohamba Shifeta het die drie leeus amok tussen gemeenskappe en hul vee in die Omusatistreek gesaai.
Die twee krokodille is in die Zambezistreek van kant gemaak.
Die minister het Woensdag in die Nasionale Vergadering terugvoering oor mens-dier-konflik gegee met voorvalle van onderonsies met olifante, buffels en roofdiere wat “op 'n daaglikse grondslag” aan die ministerie gerapporteer word.
Hy sê berigte is ontvang van olifante wat skade aan gewasse, waterinfrastruktuur en eiendom in die gebiede van Ehirovipuka en Kamanjab in die Kunene aanrig, asook by Ruacana en Okahao, Tsandi in die Omusatistreek, Okongo, Nehale Lya Mpingana in Ohangwena en Eengondi in die Oshikotostreek.
Skade word ook op kommersiële plase by Grootfontein in die Otjozondjupastreek, die gebiede van Mangetti en Musese in die Kavango-Wes, gebiede rondom die Khaudum Nasionale Park, asook die Bwabwata Nasionale Park in Kavango-Oos, Omatjete-gebied in die Erongostreek en baie dele in die Zambezistreek aangerig.
Volgens Shifeta is berigte ontvang van buffels wat gewasse in die omgewing van die Liambezi-meer, die oostelike vloedvlaktes asook gebiede rondom Nkasa Rupara, Mudumu en Bwabwata vernietig.
“In die Kunene- en Omusatistreek bly leeus vee aanval. Die situasie het met die droogte vererger, veral in die Kunene,” sê Shifeta.
“Wildehonde veroorsaak konflik in die Salambala-bewaringsgebied, asook in die Kavango-Oos- en Otjozondjupastreek.”
MAATREëLS
Shifeta het gesê die maatreëls is geïmplementeer om mens-dier-konflik hok te slaan:
• Olifante word weggedryf en verjaag en soms word 'n helikopter gebruik.
• Die verkoop van olifante in probleemgebiede.
• Die verskuiwing van diere na nasionale parke of bewaringsgebiede. Die wildehonde by Salambala sal byvoorbeeld na die Bwabwata Nasionale Park verskuif word, “maar die gebied waar hulle nou is, is moeilik om te bereik weens die goeie reën,” het Shifeta gesê.
• Vroeë waarskuwingstelsels geaktiveer deur nekbande. Sulke stelsels word reeds by Kamanjab, Musese, Tsumkwe en in Bwabwata gebruik.
• “Ons het alternatiewe waterpunte vir olifante ver van huise of nedersettings in die Omatjete-gebied in Erongo en Ehirovipuka in die Kunene geskep. Ons beplan om dieselfde vanjaar rondom die Etosha Nasionale Park te doen,” sê Shifeta. Die projek sal na gelang van fondse na gebiede rondom die Khaudum Nasionale Park en dele van die Kavango-Wes uitgebrei word.
• Die vervanging van boere en gemeenskappe se beskadigde watertenks met die ondersteuning van die Wildprodukte-trustfonds.
• Die verskaffing van silo's om oeste te berg en te beskerm.
• Gemeenskappe en boere word aangemoedig om blikkies aan hul heinings om hul landerye te hang sodat die geraas probleemdiere kan verdryf.
• Die gebruik van rissiepeperheinings en rissiebomme word ook aangemoedig, asook om slote rondom landerye te grawe.
• Tradisionele metodes om geraas te maak.
• Landerye moet snags bewaak word, “maar mense moet versigtig wees om nie in troppe wild vas te loop of hulle aggressief maak nie.”
• Alternatiewe waterbronne weg van riviere.
• Finalisering van wildkorridors vir die Zambezistreek en die uitbreiding van die stelsel na Kunene, Erongo, Omusati en die Kavango-streke.
• Die olifantbestuur- en -bewaringsplan is volgens die minister afgehandel en planne sal vir ander spesies soos leeus, wildehonde en buffels opgestel word.
- [email protected]
Volgens minister Pohamba Shifeta het die drie leeus amok tussen gemeenskappe en hul vee in die Omusatistreek gesaai.
Die twee krokodille is in die Zambezistreek van kant gemaak.
Die minister het Woensdag in die Nasionale Vergadering terugvoering oor mens-dier-konflik gegee met voorvalle van onderonsies met olifante, buffels en roofdiere wat “op 'n daaglikse grondslag” aan die ministerie gerapporteer word.
Hy sê berigte is ontvang van olifante wat skade aan gewasse, waterinfrastruktuur en eiendom in die gebiede van Ehirovipuka en Kamanjab in die Kunene aanrig, asook by Ruacana en Okahao, Tsandi in die Omusatistreek, Okongo, Nehale Lya Mpingana in Ohangwena en Eengondi in die Oshikotostreek.
Skade word ook op kommersiële plase by Grootfontein in die Otjozondjupastreek, die gebiede van Mangetti en Musese in die Kavango-Wes, gebiede rondom die Khaudum Nasionale Park, asook die Bwabwata Nasionale Park in Kavango-Oos, Omatjete-gebied in die Erongostreek en baie dele in die Zambezistreek aangerig.
Volgens Shifeta is berigte ontvang van buffels wat gewasse in die omgewing van die Liambezi-meer, die oostelike vloedvlaktes asook gebiede rondom Nkasa Rupara, Mudumu en Bwabwata vernietig.
“In die Kunene- en Omusatistreek bly leeus vee aanval. Die situasie het met die droogte vererger, veral in die Kunene,” sê Shifeta.
“Wildehonde veroorsaak konflik in die Salambala-bewaringsgebied, asook in die Kavango-Oos- en Otjozondjupastreek.”
MAATREëLS
Shifeta het gesê die maatreëls is geïmplementeer om mens-dier-konflik hok te slaan:
• Olifante word weggedryf en verjaag en soms word 'n helikopter gebruik.
• Die verkoop van olifante in probleemgebiede.
• Die verskuiwing van diere na nasionale parke of bewaringsgebiede. Die wildehonde by Salambala sal byvoorbeeld na die Bwabwata Nasionale Park verskuif word, “maar die gebied waar hulle nou is, is moeilik om te bereik weens die goeie reën,” het Shifeta gesê.
• Vroeë waarskuwingstelsels geaktiveer deur nekbande. Sulke stelsels word reeds by Kamanjab, Musese, Tsumkwe en in Bwabwata gebruik.
• “Ons het alternatiewe waterpunte vir olifante ver van huise of nedersettings in die Omatjete-gebied in Erongo en Ehirovipuka in die Kunene geskep. Ons beplan om dieselfde vanjaar rondom die Etosha Nasionale Park te doen,” sê Shifeta. Die projek sal na gelang van fondse na gebiede rondom die Khaudum Nasionale Park en dele van die Kavango-Wes uitgebrei word.
• Die vervanging van boere en gemeenskappe se beskadigde watertenks met die ondersteuning van die Wildprodukte-trustfonds.
• Die verskaffing van silo's om oeste te berg en te beskerm.
• Gemeenskappe en boere word aangemoedig om blikkies aan hul heinings om hul landerye te hang sodat die geraas probleemdiere kan verdryf.
• Die gebruik van rissiepeperheinings en rissiebomme word ook aangemoedig, asook om slote rondom landerye te grawe.
• Tradisionele metodes om geraas te maak.
• Landerye moet snags bewaak word, “maar mense moet versigtig wees om nie in troppe wild vas te loop of hulle aggressief maak nie.”
• Alternatiewe waterbronne weg van riviere.
• Finalisering van wildkorridors vir die Zambezistreek en die uitbreiding van die stelsel na Kunene, Erongo, Omusati en die Kavango-streke.
• Die olifantbestuur- en -bewaringsplan is volgens die minister afgehandel en planne sal vir ander spesies soos leeus, wildehonde en buffels opgestel word.
- [email protected]
Kommentaar
Republikein
Geen kommentaar is op hierdie artikel gelaat nie